гл., ни вуч; -да, -на; -из, -зава; -а, -ин, -рай, -мир; эчӀягъ авун, эчӀягъ тавун, эчӀягъ тахвун, эчӀягь хъийимир аял авай кьеб, нек авай квар ибалди-абалди юзурун. Шад я Секне тежер кьван... КӀвачивди кьеб эчӀягъиз, Лайлай ягъиз ажайиб... А. Ал, Мирдамир. - Вичин суфат аку! Мурдал! Исятда сад вегьеда за ваз! - жегьил некӀегъан хьиз эчӀягъна. М. В. Гьарасатдин майдандал. ☼ 1955 - йисан орфографиядин словарда эчӀягъун глаголдин формаяр яз ( кил.: М. М. Г. ЛЧЮС) эчӀя ва эчӀягъа, эчӀягъиз ва эчӀяз, эчӀяна, 1964 - йисан словарда ( кил.: М. М. Г., Р. И. Г., У. А. М. ЛЧЮС) эчӀягъна, эчӀягъиз, эчӀягъзава, эчӀягъда, эчӀя, 1989, 2001 - йисарин изданийра эчӀягъ къалурзава. Чи фикирдалди, алай вахтунда кхьинра ва рахунра и гафунин формайрик \[гь\] сес хуьн литературный чӀалан кхьинрин норма яз, \[гь\] галачиз ишлемишун литературный чӀалан рахунрин стилдин вариант яз кьабулайтӀа, гьахълу жеда.