араб, сущ.; -ди, -да; -ар, -ри. -ра масадакай ийидай рахшанд. Ягьанатдин са хъверна, Лагьана: «Вун язва вуч?! КӀанда заз вун ийиз пучӀ Зун патал вун са тӀветӀ я... Ф. Шарвилидкай риваят. - И сеферда ана хьайиди хьана. Мад ихьтин ягьанат, чна кьабулдач, - лагьана патав гвай камар ягъизвайда вичин гьебедин хел виниз хъувуна. З. Э. КУТВ-диз фена. Селимаз хъел атанач, ада ягьанат кваз лагьана: - Хъел атун вич тахсирлувилин лишан я. А. А. Умуд. Синоним: рахшанд.
* ягьанат авун гл., ни никай рахшанд авун. \[Нихет\] - Тавакъи ийида, ЦӀарухва, на ягьанатар ийимир. Гь. Гь. Колхоз. Ибурун \[шииррин. - А. Г.\] арадани фекьийрикай пис ягьанат ийизвай, абурун тапан вязер, абурун нефсинин азгъунвал, кьве чин алайвал ва ихьтин маса мурдар хесетар пислемишзавай шиир ава. М. М. Гь. СтӀал Сулеймана азербайжан чӀалал туькӀуьрай шиирар. Мусади чпин рахун акъвазарна. Ахпа ада ягьанат ийидай саягъда Асанавай жузуна... З. Э. Муькъвел гелер. Акьан тийиз къе ашкъидин гъавурда, Пара хьанва ийизвайбур ягьанат. М. М. Зи чӀехи муьгьуьббат. Синонимар: рахшанд авун, ягьанатарун, ягьанатун.