прил. 1) цӀун чимивилин. 2) гьиссерив (кӀанивилин ва я негьдин) ацӀанвай. Мусаев ялавлу хьанач. Ван жедайвал ада чуькь авунач, амма рикӀин къеняй ада еке наразивал малумарна. А. А. Лезгияр. Алидара адаз ашкъидин ялавлу саламар ракъурна. А. И. Самур. Бизибуру, сада-садаз басрух гуз, суфрадал жуьреба-жуьре няметар туькмишзава ва, чпин ялавлу муьгьуьббатдикай малумарун яз, лазни яр акахьнавай кьезил перемрикай хкис хьанвай ацӀай тӀарам хурарив рикӀин лепедин гьайбат къалуриз тазва. Т. А. Мехъер куьтягь тахьанмаз. 3) вичин пешедиз вафалу ва викӀегь. КъанницӀуд лагьай йисара ялавлу революионер, партиядин деятель ва шаир Нуьреддин Шарифова... «Гьайиф» тӀвар алай шиир теснифнай. М. М. Лацу лекеяр.... Жафарова Зарбаф хъсан тешкилатчи, ялавлу оратор, активный общественник, фронтдиз еке куьмекар гайи дирибаш дишегьли тир. ЛГ, 2004, 22.Ӏ. Герейханов халкьдин бахтлувал патал алахъай ялавлу большевик я! Къ. М. Рекьин риваятар
* ялавлу авун гл., ни-куь вуж-вуч чими ва гурлу авун. Сифтедай Селимани Зелфиди чпин муьгьуьббат сада-садакай чуьнуьхиз хьана. Идакди ам зайиф хьанач, чуьнуьхиз алахъуни ам мадни ялавлу авуна. А. А. Умуд.