гл., ни; -вада, -вана; -ваз, -вазва; укь || укьа, -ван, -урай, -вамир; жакьун тавун, жакъун тахвун, жакъун хъийимир 1) недай кӀеви затӀ сараралди куьлуь авун. Юг гатадайаз хвар, Динжвилиз ахвар, ЗатӀ жакьваз сухвар ХупӀ ярашугъ я. С. С. Квез вуч ярашугъ я. Наши кьасабдиз нар. деве КӀвачин кьилел тукӀваз кӀанда. Еке санкьу кьуна сиве Кьилди вичиз жакьваз кӀанда. С. С. Акьул жуваз аваз кӀанда. 2) куьч. са никай- квекай ятӀани пис рахун - Кьве итимдиз са паб жакьваз гзаф тушни? - сивик мили хъвер кваз дишегьлиди лагьана. А. А. Пад хьайи рагъ. 3) рах., векъи гатун, кукӀварун. За ам жакьвада. Р.