кӀан хьун глаголдин вахтунин форма. 1) алай вахтунда муьгьуьббатдин гьиссери кьур гьалда ава. 2) алай вахтунда са кар кьилиз акъуддай хиялдик ква. Заз абуруз суалралди жаваб гуз кӀанзава... С. Муслимов. ЦицӀигъ-наме. ГьакӀ хьайила, чна геж тавуна чавай жезвай тарихдин кӀусар кӀватӀна, къвезмай несилрал агакьарна кӀанзава. С. Муслимов. ЦицӀигъ-наме. Аквар гьаларай, адаз вичизни рахаз кӀанзава. М. Б. Спелар. 3) алай вахтунда нин-куьн ятӀани терефдар хьун мурад тир гьалда ава. - Гъахъ лагьайтӀа, за хъвана кӀанзавайди туш. С. Муслимов. ЦицӀигъ-наме. - ГьикӀ хьана, кьей хва, за ваз столдал гъана цацар эцигна кӀанзавани? С. Муслимов. ЦицӀигъ -наме.