El Dorado
Eldorado (isp. El Dorado - qızıldan olan) — Amazon çayı hövzəsində yerləşdiyi iddia olunan əfsanəvi şəhər. Əfsanəyə görə, bu şəhərdə hər şey qızıldan hazırlanıb.
El Hombre Dorado (qızıl adam), El İndio Dorado (qızıl hindu), və ya El Rey Dorado (qızıl kral), Avropalılıar tərəfindən Kolumbiyada yerli qəbilənin başçısı olan Muiskaya verilən addır. Muiska qızıla çox həris bir insan olmuş və rəvayətə görə özünü qızıl tozu ilə örtmüşdür. El Dorado bu əfsanəvi qızıl kralın imperatorluğu kimi təsvir olunaraq yer anlayışına çevrilmişdir.
== Ədəbiyyatda ==
Eldorado ədəbiyyatda məcazi mənada insanların ömürləri boyu axtardığı bir şeyi təsvir etmək üçün işlədilir. Bu əsl sevgini, cənnəti, xoşbəxtliyi və ya uğuru təmsil edə bilər. Uzun müddət axtardıqdan sonra tapılmayan və ya tapılma ehtimalı olmayan bir şeyi ifadə etmək üçün də Eldorado sözü işlədilir.
Eddi Qordo
Eddi Qordo (ing. Eddy Gordo) — Tekken video oyun seriyasındakı personaj.
== Haqqında ==
=== Tekken 3 ===
Eddi Braziliyanın ən zəngin ailələrindən birində anadan olub. Uşaqlıqdan bilirdi ki, böyüyəndə atasının işini idarə edəcək.
Bir gün məktəbdən evə qayıdan Eddi atasını ölümcül vəziyyətdə tapır. Ölüm ayağında olan atanın deyə bildiyi son şey oğlunun günahı öz üzərinə götürməsini xahiş etməsi oldu. Törətmədiyi bir qətlə görə həbsxanada olarkən Eddi böyük gücə malik köhnə kamera yoldaşına diqqət edirdi. Məlum olub ki, bu adam Braziliya döyüş sənəti olan kapoeyra ilə məşğul olub . Eddi onun tələbəsi oldu və 8 il ərzində kapoeyra üzrə yüksək məharət əldə etdi.
Qəhrəman həbsdən çıxandan sonra atasının qatillərini tapmağa qərar verir.
