Alectoris
Dağ kəkliyi (lat. Alectoris) — Qırqovullar fəsiləsinə daxil olan quş cinsi. Onlar yığcam bədən quruluşu, qısa boyun, iri baş və orta uzunluqlu qanaqdlara və kifayət qədər uzun quyruqlara sahibdirlər. Onlar səhra kəkliklərinin ən yaxın qohumlarıdır ( Ammoperdix )
Ən çox yayılmış növ xınalı kəkliklərdir. Onlar uzun zaman Qaya kəkliyinin (Alectoris graeca) bir yarımnövü hesab edilirdi. Tamamilə fərqli bir vokal repertuarı səbəbiylə, elm adamları son zamanlarda hər iki növü fərqlənməyə başladılar.
Alectoris chukar
Xınalı kəklik (lat. Alectoris chukar) — Qırqovullar fəsiləsinin dağ kəkliyi cinsinə aid quş növü.
== Görünüşü ==
Ölçüsü qarğadan biraz daha böyükdür. Bədən uzunluğu 35 sm, kütləsi 350-dən 800 q-dır, qanad açıqlığı 47-52 sm-dir. Boz rəngdədir. Alnından və boyunun ön ətrafından qara zolaq keçir. Dişilər kiçik ölçülərinə görə erkəklərdən fərqlənir.
== Yayılması ==
Qərbdə Balkan yarımadasından şərqdə Çinin Himalay dağlarına qədər ərazidə yayılmışdır. Uğurlu şəkildə Nevada və Nyu-Meksiko ştatları ərazisinə uyğunlaşmışdır. Üstəlik Yenizelandiya, Havay adaları və Cənubi Afrikaya köçürülmüşdür.