fars. mah, ərəb. mənzər
Üzü aya bənzər; məcazi mənada: gözəl.
Nə müddətdi hicran dağı çəkən can
Çarəsiz dərdimə dərman gəlibdi.
Bir mahi-mənzərim, sərvi-xuraman
Yada salıb, bizə mehman gəlibdi.
(“Dilsuz və Xəzangül”)
Məhərrəm Mahi
Alıyev Məhərrəm Rzaqulu oğlu (Məhərrəm Mahi) - şair.
== Həyatı ==
Məhərrəm Mahi 1924-cü ildə Zəngilan rayonunun Quyudərə Xəştab kəndində anadan olub.
Gilətağ 7 illik və Xocahan orta məktəbini bitirib. Elə həmin il ehtiyac olduğu üçün (Böyük Vətən müharibəsi getdiyinə görə müəllimə ehtiyac var idı) oxuduğu orta məktəbdə dil-ədəbiyyat müəllimi təyin edilib.
1952-ci ildə ali məktəbi bitirib. Qubadlı və Zəngilan rayonlarında müəllim, direktor müavini, direktor və təhsil şöbəsində inspektor işləyib.
Uşaqlıqdan şerə maraq göstərib. İlk şeri məktəb divar qəzetində verilib. Və o vaxtdan şeirlər yazmağa başlayıb. Müəllim işləyəndən sonra şeirləri rayon və respublika qəzet və jurnallarında çap olunub.
Mənzər İsmayılova
Mənzər İsmayılova — azərbaycanlı ilk qadın keşiş.
== Həyatı ==
İsmayılova Rusiyanın lüteran icmalarında təcrübə qazanıb Azərbaycandakı yevangelik lüteran icmasında işləmək hüququna malik ilk din xadimidir.
Mənzər Şərifova
Mənzər xanım Rüstəm bəy qızı Şərifova — maarif xadimi, pedaqoq.
== Həyatı və fəaliyyəti ==
Mənzər xanım Rüstəm bəy qızı Şərifova Şuşa şəhərində anadan olmuşdur. Atası Rüstəm bəy Şuşanın adlı-sanlı bəylərindən sayılmışdır. Onun Şuşada qız məktəbində oxuması deyilir.
Mənzər xanım Şərifova gənc yaşlarından pedaqoji fəaliyyətlə məşğul olmuşdur. XX əsrin 20-ci illərində Ağdamın Seyidli kəndində ilk qız məktəbinin (Ünas məktəbi) açılması və fəaliyyəti onun adı ilə bağlıdır. O, ilk vaxtlar qız şagirdlərinə evində dərs keçmişdir. Sonralar dərsi Abdulla bəyin Seyidli kəndindəki evində davam etdirmişdir.
Mənzər xanım Şərifova sonralar Ağdam şəhər 2 nömrəli beynəlmiləl orta məktəbin ibtidai sinif müəlliməsi işləmişdir. 2 nömrəli beynəlmiləl orta məktəbdə dərs dediyi illərdə SSRİ Ali Soveti Rəyasət Heyətinin fevral 1949-cu il tarixli fərmanı ilə "Qırmızı əmək bayrağı" ordeni ilə təltif edilmişdir.
Mənzər Rəhimli
Mənzər Rəhimli — AMEA akademik M.F.Nağıyev adına kataliz və qeyri-üzvi Kimya İnstitutunun aparıcı elmi işçisi, kimya elmləri namizədi, dosent.
== Elmi fəaliyyəti ==
Mənzər Rəhimli 1971-ci ildə Azərbaycan Dövlət Pedaqoji Universitetinin kimya fakültəsini bitirib.
1982-ci ildə kimya ixtisası üzrə aspiranturaya daxil olub, "Dünya Okeanı" problemi üzrə elmi proqramın hazırlanmasında əməyi olub və "Uranın dəniz suyu tipli karbonat məhlullarından lifli sorbentlərlə sorbsiya ilə çıxarılması" mövzusunda dissertasiya işini müvəffəqiyyətlə yerinə yetirib müdafiə etmişdir.
Mənzər Rəhimli 1992-ci ildə kimya elmləri namizədi elmi dərəcəsi almışdır.
== Əmək fəaliyyəti ==
Uranın dəniz suyu tipli karbonat məhlullarından lifli sorbentlərlə sorbsiyasının mexanizmi ilk dəfə M.Ə.Rəhimli tərəfindən təklif olunmuşdur.
Mənzər Rəhimli 7 illik elmi staja malikdir. 17-dən çox elmi əsərin müəllifidir. 8 elmi əsəri müdafiədən sonra dərc olunmuşdur.
42 elmi əsərin müəllifidir. Dəfələrlə beynəlxalq konfranslarda elmi məruzələrlə çıxış etmişdir.