1. Həll edilməsi üçün rəqəmlər üzərində bəzi əməliyyat tələb edən riyazi ifadə. Misalları həll etmək. Misalın cavabını yoxlamaq.
2. Bir fikrin anlaşılmasını asanlaşdırmaq və ya bir şeyi sübut etmək üçün gətirilən dəlil, nümunə və s. Fikrini misallarla aydınlaşdırmaq.
– [Məşədi Haşım] ərəb və İran ədəbiyyatından misallar gətirdi.
3. Nümunə, örnək, timsal. Yoldaşını misal göstərmək.
– Sən bizim öz həyatımızı misal götürə bilərsən.
4. Bir şeyin bənzəri, oxşarı, tayı, bərabəri, misli.
Nə xoş olur eşq əhlinin bu halı; Şəmə yana pərvanənin misalı.
[Vəzir:] Hacı Saleh, gərəkdir Rəştdə bir mintənə tikdirəsən, yeri zərbaftdan ki, misal və bərabəri bu vaxtadək Lənkəranda görünməmiş ola.
Dünyada igidlikdə mənim yoxdu misalım.
5. Zərbi-məsəl.
Canandan ayrılan candan ayrılır; Xalq içində bir misaldı, sevdiyim!
Gülyanaq dinləyir, Xanpəri misal çəkir, dəlil-sübut gətirir.