1. Boy, boy-buxun, qamət.
Qəddin ki, sərvi-xuraman ilən bərabərdir.
Zorbadır hərçənd ki, qəddin sənin; Yox mənə tay olmağa həddin sənin.
2. Bel.
□ Qəddi bükülmək (əyilmək) – beli bükülmək.
Ala gözlüm, səndən ayrı düşəli; Qədd əyilib, bel bükülüb, huş gedib.
Qəddi bükülmüş (əyilmiş) – beli bükülmüş.
Qəddi bükülmüş bu qocanın nəmli nəzəri … dalğaları sürətlə yararaq gedən bir gəmiyə dikilmişdi.
Nazimə xalanın saçı ağarmış, qəddi əyilmiş, səsi də … alçalmışdı.
Qəddini bükmək (əymək) – 1) belini əymək, əyilmək.
Müfəttiş əlini döşünə qoyaraq uzun qəddini əydi. ;
2) məc. bədbəxt etmək, belini qırmaq, sarsıtmaq.
Ey ərənlər, sındırıblar belimi; Möhnət yükü qəddim əyər, ağlaram. ;
3) məc. əyilmək, tabe olmaq, alçalmaq.
Qəddini düzəltmək – 1) belini düzəltmək, ayağa qalxmaq.
Qaçay qəddini düzəldib, yan-yörəsinə baxdı: ətrafda kimsə görünmürdü. ;
2) məc. zülm və əsarətdən qurtarmaq.
Qəddini kaman etmək – bax qəddini bükmək 2-ci mənada.
Yəqin fəraqın edər qəddimi kəman, getmə!
