1. Bərk istilik almaq, hərarət almaq, çox istilənmək, hərarəti artmaq. Su qızmamışdır. Havalar getdikcə qızır.
– Qızdı günəş, əsdi isti yellər; Qarlar əridi, axışdı sellər.
…Otağa cənub küləyinin ilıq şüaları dolur, beləliklə, ev bir az daha qızırdı.
2. məc. Hirslənmək, hiddətlənmək.
…Bakıya dönməyi israr və təkid edərkən rədd cavabı alınca [Əhməd] qızaraq: – Bilmirəm, bu nə ölümdür… – demişdi.
Əşrəf, anasının bu böyük xəbəri etinasız qarşılamasına qızdı.
3. məc. Qızışmaq, coşmaq.
Çırmanırıq keçməyə çay gəlməmiş; Başlayırıq qızmağa yay gəlməmiş.