1. Bir şeyi yerdən qaldırmadan sürüyə-sürüyə aparmaq, çəkə-çəkə (darta-darta) aparmaq; sürümək.
[Kimon] İncini dar ağacına sarı sürükləyir.
[Səməd:] Qolçomaqlar bizim kolxozu görmək istəməyirlərdi… Axırda onların hamısını sürükləyib kənddən çıxartdıq.
Ayaqlarındakı nəleyinləri sürükləyən bu qadınlar qaz kimi yayxana-yayxana elə ağır-ağır yeriyirdilər ki, canım sıxılırdı.
2. məc. Çəkib aparmaq, sövq etmək, cəzb etmək, cəlb etmək; aparıb çıxarmaq.
…Digər tərəfdən cazibəli bir qüvvə [Fatmanı] qapıya doğru sürükləyirdi.
İnsanı pisliklərə sürükləyən bəlaların birisi və ən qorxulusu da şübhədir.
…Həyatın təbii axını [Səriyyəni] bir kor kimi istədiyi səmtə sürükləyirdi.