Nazim Əlicanov

Nazim Əlicanov
Nazim Nəzir oğlu Əlicanov
Doğum tarixi	1970
Doğum yeri	Qax şəhəri, Azərbaycan SSR
Milliyyəti	azərbaycanlı
Fəaliyyəti	güləşçi[d]
Fəaliyyət illəri	1982–2011

Nazim Nəzir oğlu Əlicanov — sərbəst güləş üzrə Avropa çempionu (2002), əməkdar idman ustası.

Şəxsi məşqçisi-Elman Əzimzadə

Həyatı

Əlicanov Nazim Nəzir oğlu, 26 iyul 1970-ci ildə Qax şəhərində anadan olmuşdur. 1977–1984-cü illər ərzində Qax şəhər 3 saylı orta məktəbdə,1984–1987-ci illərdə isə Bakı şəhərində Respublika idman təməyüllü internat məktəbində orta təhsil almışdır. 1991-ci ildə Azərbaycan Dövlət Bədən Tərbiyəsi İnstitutunu və 2005-ci ildə isə Azərbaycan Respublikası Elm və Təhsil Mərkəzi "Təfəkkür" Universitetini bitirmişdir. 1991-ci ildə Azərbaycan Respublikası Daxili İşlər Nazirliyinin Daxili Qoşunlarında hərbi xidmətə çağırılmış və 1996-cı ilin 23 may tarixində ordu sıralarından ehtiyata buraxılmışdır. 2007–2009-cu illərdə qadınlardan ibarət Azərbaycan yığma komandasının sərbəst güləş üzrə baş məşqçisi olmuşdur. 2002-ci ildə Azərbaycan Respublikası Prezidentı tərəfindən "Tərəqqi" medalı və 2008-ci ildə isə Fəxri diplomla təltif olunmuşdur.2010-cu ilin dekabr ayında ona Azərbaycan Respublikasının "Əməkdar məşqçisi" Fəxri adı verilmişdir. Hal-hazırda sərbəst güləş üzrə Azərbaycan yığma komandasının üzvü və Beynəlxalq dərəcəli idman ustasıdır. Ailəlidir. İki övladı var.

Nailiyyətləri

• 1988-ci ildə gənclər arasında dünya birinciliyinin bürünc mükafatçısı.
• 1996-cı ildə ABŞ Atlanta şəhərində XXVI Yay Olimpiya Oyunlarının iştirakçısı .
• 1999-cu ildə hərbçilər arasında Olimpiya Oyunlarının çempionu .
• 2001-ci ildə hərbçilər arasında Dünya çempionu.
• 2002-ci ildə Avropa çempionu.
• 2003-cü ildə hərbçilər arasında Dünya çempionatının gümüş mükafatçısı.
• 2004-cü ildə Dünya Kubokunun qalibi.

Xarici keçidlər

• Nazim Əlicanov: Fərid Mansurovun dünya çempionatının finalına çıxması əsl möcüzədir
• Nazim Əlicanov: Stadnik Pekin Olimpiadasında qızıl medal qazanmalıdır
• Nazim Əlicanov: Avropa çempionatında daha uğurlu nəticə