Alyona Kolesnik

Alyona Kolesnik (29 yanvar 1995, Krivoy Roq) — Azərbaycanı təmsil edən qadın güləşçi.[1]

Alyona Kolesnik
Alyona Kolesnik 2017-ci ildə
Alyona Kolesnik 2017-ci ildə
Şəxsi məlumatlar
Tam adı Alyona Kolesnik
Vətəndaşlığı Ukrayna Ukrayna →
Azərbaycan Azərbaycan
Doğum tarixi (29 yaş)
Doğum yeri Krivoy Roq, Ukrayna
Boyu 160 sm. (5 ft 6in)
İdman növü Güləş
Medallar
Vikianbarın loqosu Vikianbarda əlaqəli mediafayllar

Karyerası

[redaktə | mənbəni redaktə et]

Alyona Kolesnik 2012-ci ildə Polşada yeniyetmələr arasında Avropa Çempionatını və Azərbaycanda yeniyetmələr arasında Dünya Çempionatını beşinci pillələrdə başa vurdu.[1] 2013-cü ildə Bolqarıstanda D. Kolov - N. Petrov Turnirinin bürünc medalına sahib olan Alyona Kolesnik 2015-ci il ərzində Paris şəhərində Paris Qran-Prisini, Sofiya şəhərində D. Kolov - N. Petrov Turnirini və İstanbul şəhərində gənclər arasında Avropa Çempionatını gümüş medallarla başa vurdu.[1] Həmin il Alyona Kolesnik həm də Polşada U23 Avropa Çempionatının qalibi oldu.[1]

Alyona Kolesnik 2016-cı ildə martda Bolqarıstanda U23 Avropa Çempionatının gümüş medalına sahib oldu, noyabrda isə Azərbaycanın sabiq Prezidenti Heydər Əliyevin xatirəsinə həsr olunan beynəlxalq turniri bürünc medalla başa vurdu.[1] 2017-ci ildə Alyona Kolesnik martda Macarıstanda U23 Avropa Çempionatını və mayda Serbiyada Avropa Çempionatını bürünc medallarla başa vurdu.[1] Həmin il Alyona Kolesnik həm də IV İslam Həmrəyliyi Oyunlarının gümüş medalına sahib oldu.[1]

2018-ci ildə Alyona Kolesnik Kiyev və İstanbul şəhərlərində baş tutan beynəlxalq turnirləri bürünc medallarla başa vurdu.[1] Apreldə Rusiyada baş tutan Avropa Çempionatında isə Alyona Kolesnik bürünc medalın sahibi oldu.[1] Karyerasının ən uğurlu mövsümü 2019-cu ilə təsadüf edən Alyona Kolesnik Fransada Henri Deglane Turnirinin qalibi oldu, Rumıniyada Avropa Çempionatının və Belarusda Avropa Oyunlarının isə bürünc medallarına sahib oldu.[1]

Alyona Kolesnik 2020-ci ildə İtaliyanın Roma şəhərində baş tutan Avropa Çempionatını beşinci pillədə başa vurdu.[1] 2021-ci il ərzində Avropa Olimpiya Təsnifat Turnirində və Dünya Olimpiya Təsnifat Turnirində çıxış edən Alyona Kolesnik nəticədə olimpiya lisenziyasına sahib ola bilmədi.[1]

2022-ci il ərzində Alyona Kolesnik Rusiyada İvan Yarıgin Turnirinin qalibi oldu, İstanbul şəhərində baş tutan Yaşar Doğu Turnirini isə bürünc medalla başa vurdu.[1] Həmin il Alyona Kolesnik həm də Macarıstanda Avropa Çempionatını dördüncü pillədə başa vurdu, Konya şəhərində baş tutan İslam Həmrəyliyi Oyunlarının gümüş medalına sahib oldu.[1]

Alyona Kolesnik 2023-cü ildə Zagren Open beynəlxalq turnirinin bürünc medalına sahib oldu, Xorvatiyanın Zaqreb şəhərində baş tutan Avropa Çempionatını isə beşinci pillədə başa vurdu.[1]

Nəticələri

[redaktə | mənbəni redaktə et]

İstinadlar

[redaktə | mənbəni redaktə et]
  1. ↑ 1 2 3 4 5 6 7 8 9 10 11 12 13 14 15 International Wrestling Database. "ALYONA KOLESNIK". www.iat.uni-leipzig.de (ingilis). 2022-08-04. 2022-07-27 tarixində arxivləşdirilib. İstifadə tarixi: 04.08.2022.