Nadejda Sementsova (2 noyabr 1985; Donetsk, Ukrayna SSR) — 2010-2015-ci illərdə Azərbaycanı təmsil edən qadın güləşçi. 2010 və 2011-ci illərdə Avropa Çempionatının qalibi olub.
Nadejda Sementsova | |
---|---|
Şəxsi məlumatlar | |
Vətəndaşlığı |
Ukrayna (2001—2005) → Azərbaycan (2010—2015) |
Doğum tarixi | |
Doğum yeri | Donetsk, Ukrayna SSR |
İdman növü | Güləş |
Karyera illəri | 2000—2015 |
Boyu | 168 sm. (5 ft 6 in) |
Komandası | "Atasport" İK |
Nadejda Sementsova 1985-ci il noyabrın 2-də anadan olub. 2000-ci ildən güləşlə məşğul olur. 2008-ci ildən şəxsi məşqçisi Sergey Latışevdir.
Ailəlidir, bir oğlu var.
Nadejda Sementsova beynəlxalq səviyyədə birinci uğurunu 2002-ci ildə Bolqarıstanda baş tutan yeniyetmələr arasında Avropa Çempionatında qazandı. Sementsova final görüşündə məğlub oldu və turnirin gümüş medalına sahib oldu.
Bundan sonra o, bir müddət idmandan uzaqlaşdı. 2010-cu ildə isə Nadejda Sementsova Azərbaycan yığmasının heyətinə cəlb edildi.
Nadejda Sementsova 2010-cu ilin aprelində Avropa Çempinatında mübarizə apardı. Final görüşündə o, Katerina Burmistrovaya qalib gəldi və Avropa Çempionatının qalibi oldu.
Bir il sonra o, Almaniyanın Dortmund şəhərində baş tutan Avropa Çempinatında çıxış elədi. Bu səfər Nadejda Sementsova final görüşündə Alina Maxiniyanı məğlub elədi və növbəti dəfə Avropa Çempionatının qızıl medalına sahib oldu.