Yuliya Ratkeviç

Yuliya Ratkeviç (d. 16 iyul 1985; Minsk, Belarus) — Azərbaycanı təmsil edən Belarus əsilli qadın güləşçi. Yuliya Ratkeviç 2012-ci ildə baş tutan Olimpiya Oyunlarında bürünc medal qazanıb. 2011-ci ildə Avropa çempionu olan Yuliya Ratkeviç, habelə Dünya Çempionatlarında bir qızıl, iki gümüş və iki bürünc medala layiq görülüb. 2015-ci ildə Azərbaycanı I Avropa Oyunlarında təmsil edən Yuliya Ratkeviç "Tərəqqi" medalı ilə təltif edilib.

Yuliya Ratkeviç
Yuliya Ratkeviç 2016-cı ildə Braziliyanın Rio-de-Janeyro şəhərində baş tutan XXXI Yay Olimpiya Oyunlarında
Şəxsi məlumatlar
Tam adı	Yuliya Nikolayevna Ratkeviç
Vətəndaşlığı	Belarus (2002—2007) → Azərbaycan (2007—2016)
Doğum tarixi	16 iyul 1985 (39 yaş)
Doğum yeri	Minsk, Belorusiya SSR
Boyu	162 sm. (5 ft 6 in)
İdman növü	Güləş
Karyera illəri	2002—2016
Məşqçisi	Vasili Kreso
Komandası	Atasport İdman Klubu
Medallar Olimpiya Oyunları Bürünc 2012 London 55 Kq. Dünya Çempionatı Qızıl 2009 Herninq 59 Kq. Gümüş 2010 Moskva 55 Kq. Bürünc 2013 Budapeşt 59 Kq. Gümüş 2014 Daşkənd 60 Kq. Bürünc 2015 Las-Veqas 58 Kq. Avropa Çempionatı Bürünc 2005 Varna 59 Kq. Qızıl 2011 Dosrtmund 59 Kq. Dövlət təltifləri
Vikianbarda əlaqəli mediafayllar

Yuliya Ratkeviç 16 iyul 1985-ci ildə Belarusun paytaxtı Minsk şəhərində anadan olub.

Yuliya Ratkeviç 2002-ci ilin iyulunda Bolqarıstanın Albena şəhərində baş tutan gənclər arasında Avropa Çempionatında mübarizə apardı və turniri on idmançı sırasında doqquzuncu pillədə başa vurdu.

2003-cü ilin avqustunda isə Yuliya Ratkeviç İstanbul şəhərində baş tutan yeniyetmələr arasında Dünya Çempionatında mübarizə apardı. Yuliya Ratkeviç birinci mərhələdə Hindistan nümayəndəsi Səxavət Manjunu (4:0), növbəti mərhələdə isə Bolqarıstan nümayəndəsi Tzvenetxa Alexsovanı (6:0) məğlub eləsə də, üçüncü mərhələdə Rusiya nümayəndəsi Mariya Smolyaxovaya (1:8) məğlub oldu və çempionatı beşinci pillədə başa vurdu.

2004-cü ilin aprelində Yuliya Ratkeviç Avropa Çempionatlarında debüt elədi. İsveçin Haparanda şəhərində baş tutan turnirdə Yuliya Ratkeviç əvvəlcə Polşa nümayəndəsi Malqorzata Bassa-Roquşaya (0:4), sonra isə Almaniya nümayəndəsi Stefani Stubera (0:2) məğlub oldu. Daha sonra Yuliya Ratkeviç üçüncü mərhələdə İsveçrə nümayəndəsi Nadiya Meyera qalib gəlsə də (5:4), dördüncü mərhələdə Rusiya nümayəndəsi Lyubov Volossovaya (1:11), beşinci mərhələdə isə Polşa nümayəndəsi Malqorzata Bassa-Roquşaya (1:4) hesabı ilə məğlub oldu. Nəticədə beş görüşün birində qalib gələn, dördündə isə məğlub olan Yuliya Ratkeviç Avropa Çempionatını altıncı pillədə başa vurdu.

2004-cü ilin iyulunda isə Yuliya Ratkeviç Bolqarıstanın Sofiya şəhərində baş tutan gənclər arasında Avropa Çempionatında mübarizə apardı. Turnirin final görüşündə Polşa nümayəndəsi Emiliya Drzevinsxaya məğlub olan Yuliya Ratkeviç gənclər arasında Avropa Çempionatının gümüş medalına sahib oldu.

Rio-de-Janeyro Olimpiadasında 58 kiloqram çəki dərəcəsində yarışan London Olimpiadasının bürünc medalçısı Yuliya Ratkeviç medalın bir addımlığında uduzdu. Ratkeviç birinci görüşdə ötən, 2015-ci ilin Dünya çempionu Ukrayna güləşçisi Oksana Herhel ilə qarşılaşdı və gərgin görüşdən 7:5 hesablı qələbə ilə ayrıldı.^[1] 1/4 final mərhələsində Yuliya Ratkeviç Kolumbiya güləşçisi, 2008 və 2012-ci il Olimpiya Oyunlarının bürünc medalçısı Jakeline Renteria ilə üz-üzə gəldi.^[2] Görüş boyu Renteriadan üstün olan Ratkeviç 7:3 hesabı ilə qələbə qazandı və yarım-finala adladı. Yarım-finalda Yuliya Ratkeviç əfsanəvi Yaponiya güləşçisi, 3 qat Olimpiya və 10 qat Dünya çempionu Kaori İçoya 0:10 hesabı ilə məğlub oldu və bürünc medal uğrunda yarışdı.^[3][4] Həlledici görüşdə onun rəqibi Tunis nümayəndəsi Mərvə Əmri oldu.^[5] Həmin qarşılaşmda 3:0 hesabı ilə Ratkeviç öndə olsa da, gözlənilmədən Əmri görüşdə geri dönüş etdi və 6:3 hesabı ilə qarşılaşmamım qalibi oldu. Yuliya Ratkeviç isə XXXI Yay Olimpiya Oyunlarını 5-ci pillədə başa vurdu.^[6]

Sıra İl Yarış Şəhər Nəticə 1 2002 Yeniyetmələrin Avropa Çempionatı Bolqarıstan 5. 2 2004 Yeniyetmələrin Avropa Çempionatı Bolqarıstan 2. 3 2005 Gənclərin Dünya Çempionatı Litva 1. — 2006 Avropa Çempionatı Rusiya DSQ 4 2007 Dünya Çempionatı Azərbaycan 7. 5 2008 Avropa Çempionatı Finlandiya 1. 6 Qızıl Qran-Pri Azərbaycan 1. 7 Gənclərin Avropa Çempionatı Slovakiya 1. 8 Olimpiya Oyunları Çin 3. 9 2009 Avropa Çempionatı Litva 1. 10 Qızıl Qran-Pri Azərbaycan 3. 11 Dünya Çempionatı Danimarka 1. 12 2011 Yaşar Doğu turniri Türkiyə 1. 13 Avropa Çempionatı Almaniya 1. 14 Austrian Ladies Open Avstriya 1. 15 Qızıl Qran-Pri Azərbaycan 1. 16 Dünya Çempionatı Türkiyə 2. 17 FILA Test Turniri Birləşmiş Krallıq 1. 18 2012 Kiyev beynəlxalq turniri Ukrayna 1. 19 Almaniya Qran-Prisi Almaniya 1. 20 Olimpiya Oyunları Birləşmiş Krallıq 2. 21 2014 Paris Qran-Prisi Fransa 1. 22 Klippan Lady Open İsveç 1. 23 Avropa Çempionatı Finlandiya 1. 24 Almaniya Qran-Prisi Almaniya 1. 25 Qızıl Qran-Pri Azərbaycan 1. 26 Dünya Çempionatı Özbəkistan 3.

Sıra İl Yarış Şəhər Nəticə 27 2015 Klippan Lady Open İsveç 1. 28 Avropa Oyunları Azərbaycan 1. 29 Polad Open Polşa 1. 30 Dünya Çempionatı ABŞ 2. 31 2016 Kiyev beynəlxalq turniri Ukrayna 1. 32 Avropa Çempionatı Latviya 1. 33 Poland Open Polşa 1. 34 Olimpiya Oyunları Braziliya 2.

• Azərbaycan 2012 Yay Olimpiya Oyunlarında
• Azərbaycan 2016 Yay Olimpiya Oyunlarında