İki nəfərlik vağzal (film, 1982)

"İki nəfərlik vağzal" (rus. Вокзал для двоих) — rejissor Eldar Ryazanovun filmi.

İki nəfərlik vağzal
rus. Вокзал для двоих
Janr	melodram
Rejissor	Eldar Ryazanov
Ssenari müəllifləri	Emil Braginski Eldar Ryazanov
Baş rollarda	Lüdmila Qurçenko Oleq Basilaşvili
Operator	Vadim Alisov
Bəstəkar	Andrey Petrov
Rəssam	Aleksandr Borisov
İstehsalçı	"Mosfilm" kinostudiyası
Distribütor	Mosfilm, Netflix
İlk baxış tarixi	11 fevral 1983[1], 8 may 1983[1], 28 oktyabr 1983[1], 3 noyabr 1983[1], 24 fevral 1984[1], 6 sentyabr 1984[1], 20 fevral 1985[1], 12 oktyabr 1985[1], 12 mart 1987[1]
Filmin növü	bədii film
Müddət	141 dəqiqə
Ölkə	SSRİ
Dil	rus dili
İl	1982
Rəng	rəngli
Çəkiliş yeri	Lyubertsı, Moskva
IMDb	ID0084873

Soyuq bir qış axşamı. Həbsxanada axşam yoxlaması keçirilir. Yoxlama qurtarandan sonra Platon Ryabininə xəbər verilir ki, onu görməyə həyat yoldaşı gəlib. Qadın həbsxanadan 10 kilometr aralıda qəsəbədə otaq tutub. Ryabininin görüşdən imtina etməyə ixtiyarı var. Lakin rəhbərliyin sözünə əməl etməməyə ixtiyarı yoxdur. Onu səhər yoxlamasına qədər buraxırlar və xəbərdarlıq edirlər ki, az da olsa gecikmək – qaçış kimi başa düşüləcək. Platon həbsxanadan qəsəbəyə gedəndə həbsə düşənə qədər keçirdiyi həyatı yadına düşür.

Platonun yadına saldığı həmin gün o, atası ilə görüşmək üçün Moskva-Alma-Ata qatarında Qriboyedova gəlir. Zastupinsk orta stansiyasında qatar 20 dəqiqəlik dayanır. O, nahar eləmək üçün vağzalın yanındakı restorana gəlir. Verilən nahar isə o qədər iyrənc olur ki, o, yeməyini yemir və getmək istəyir. Lakin ofisiant qız Vera ondan yeməyin pulunu istəyir. Platon heç nə yemədiyini deyir. Söhbət çox çəkir və Platon qatara gecikir.

Növbəti qatarı gözləyən Platon bələdçi Andreyin sevgilisi Veranın yanına gəldiyini görür. Andrey Veraya iki çamadan yemiş gətirib. Andrey Veranı da götürüb kupeyə çıxır. Bu müddətdə Platondan yemişlərə baxmağı xahiş edir. Yemişləri oğurlamaması üçün Andrey Platondan pasportunu girov istəyir. Qatar gedəndə Andrey sənədi qaytarmağı yaddan çıxarır. Belə vəziyyətdə Platon növbəti qatara minə bilməz və iki gündən sonra Andrey gələnə qədər Zastupinskdə gözləməyə məcburdur.

Bütün günü Platon və Vera bir neçə dəfə vağzalda rastlaşırlar. Vera Platonun qatara minə bilməməsində özünü günahkar bilir. Onlar barışırlar. Axşam Vera sonuncu avtobusa gecikir və Platonla vağzalda qalmalı olur. Gecə vağzalda yatan vaxt Platonun portmanatını oğurlayırlar. Platon həm sənədsiz, həm də pulsuz qalır. Pul qazanmaq üçün o, bazarda həmin yemişləri satmalıdır. Axşam Platon Veranı restorana dəvət edir və pianoçu işləyib qazandığı pulla hesabı ödəyir.

Platon Veraya televizorda canlı yayıma çıxan arvadını göstərir. O, arvadının avtomobil sürən vaxt bir nəfəri vurmağından danışır. Platon bütün günahı öz boynuna götürür. İndi Platon verdiyi iltizama əsasən, yaşadığı yerdən kənara çıxmamalıdır. O isə ağır xəstə olan atası ilə görüşmək üçün gizli Qriboyedova gedirdi. Çünki Platon, azadlığa buraxılandan sonra atasını sağ görə bilməyəcəyindən qorxurdu. Vera dözə bilmir və gizli Platonun arvadına zəng edir. Platonun arvadı öz günahını inkar edir və hər şeyi ərinin üstünə atır. Restorandan sonrakı gecəni Platon və Vera bir yerdə keçirirlər.

Növbəti səhər Andrey gəlir və Platonun pasportunu qaytarır. Vera Andreyə onu Platona görə atdığını deyir. Andrey və Platon arasında vuruş başlayır və polisin gəlməsi ilə qurtarır. Andreyi tuturlar, Platon isə Zastupinskdən gedir.

Bununla da Platonun xatirələri qurtarır. O, artıq qəsəbəyə çatıb. Arvadı ilə görüşəcəyi daxmanı tapanda Platon görür ki, əslində onu görməyə gələn Veradır.

Platonun səhər yoxlamasına gecikməyə ixtiyarı yoxdur və gecikmə qaçış kimi başa düşüləcək. Lakin saatın zəngini nə Platon, nə də Vera eşidir. Onlar yoxlamaya cəmi 20 dəqiqə qalmış yuxudan dururlar. Platon həbsxanaya 10 kilometr qaçmalıdır. O, özü ilə həm də ağır akkordeonu aparır. Vera sevdiyi insanı atmaq istəməyib onunla birlikdə qaçır. Həbsxanaya çatmağa lap az qalıb, amma onların artıq gücü yoxdur. Bu vaxt Vera Platona akkordeonda çalmağı təklif edir. Bu səs həbsxananın həyətində eşidilir və Platonun səhər yoxlamasında iştirak etməsi nəzərə alınır.

Ssenari müəllifləri : Emil Braginski, Eldar Ryazanov

Quruluşçu rejissor : Eldar Ryazanov

Quruluşçu operator : Vadim Alisov

Quruluşçu rəssam : Aleksandr Borisov

Bəstəkar : Andrey Petrov

Rejissor : Leonid Çertok

Montaj edən : Valeriya Belova

Səs operatoru : Oleq Zilberşteyn

Mahnıların mətni : Eldar Ryazanov

Çalır : Kinematoqrafiya Dövlət Simfonik Orkestri

Dirijor : Sergey Skripka

Geyim rəssamı : Edit Priyede

Operator : Pyotr Kuznesov

Qrim rəssamları : Lyubov Kulikova, İrina Morozova

Redaktor : Lyubov Qorina

Musiqi redaktoru : Raisa Lukina

Məsləhətçi : Nikolay Qridasov

Filmin direktoru : Lazar Milkis

Lüdmila Qurçenko – Vera Nefyodova

Oleq Basilaşvili – Platon Ryabinin

Nikita Mixalkov – Andrey

Nonna Mordyukova – Mişa dayı

Mixail Kononov

Anastasiya Voznesenskaya

Tatyana Doqileva

Olqa Volkova

Aleksandr Şirvindt

Raisa Etuş

Teymur Yunusov

Stanislav Sadalski

J. Aleksandrova

İ. Bargi

Alla Budniskaya

P. Kuznesov

Viktor Borsov

Q. Mixaylov

Tatyana İqnatova

Nina Palladina

İ. Komarova

Aleksandr Pyatkov

Aleksey Konyaşin

Anatoli Skoryakin

Anna Frolovseva

Eldar Ryazanov

• Кино: Энциклопедический словарь / Гл. ред. С. И. Юткевич; Редкол.: Ю. С. Афанасьев, В. Е. Баскаков, И. В. Вайсфельд и др. — Москва: Советская энциклопедия, 1987. — стр. 18; 38; 55-56; 84; 109; 192; 208; 321; 365; 376.

• İki nəfərlik vağzal AllMovie saytında
• İki nəfərlik vağzal — Internet Movie Database saytında

• Trailer and Screenshots

1. ↑ ^{1 2 3 4 5 6 7 8 9} https://www.imdb.com/title/tt0084873/releaseinfo.