İohann Yakob Reyske

İohann Yakob Reyske (alm. Johann Jacob Reiske‎; 25 dekabr 1716 - 14 avqust, 1774)—Şərqşünaslığın öncülərindən, İslam nümizmatlığının qurucusu, yunan və Bizans üzrə mütəxəssis.

İohann Yakob Reyske
alm. Johann Jacob Reiske‎
Doğum tarixi	25 dekabr 1716
Doğum yeri	Almaniya
Vəfat tarixi	14 avqust 1774 (57 yaşında) (57 yaşında)
Vəfat yeri	Almaniya
Vəfat səbəbi	vərəm xəstəliyi
Elm sahəsi	filologiya
İş yeri	Leypsiq Universiteti
Təhsili	Leypsiq Universiteti
Vikianbarda əlaqəli mediafayllar

İohann Yakob Reyske 25 dekabr 1716-cı ildə Saksoniyanın Zörbig qəsəbəsində yoxsul bir ailənin övladı olaraq dünyaya gəldi və bir yetimxanada büyüdü. Zörbig və Halledə ilk və orta təhsilini bitirdikdən sonra 1733-cü ildə girdiyi Leypsiq Universitetində klassik dillər və Yunan ədəbiyatı oxudu; öz imkanlarıyla Ərəb dilini öyrəndi. Tələbəliyi sırasında Şəhabəddin İbn Ərəbşahın Əmir Teymur bioqrafiyası (Əcaibül-məqdur fi nəvaibi [əxbari] Teymur) üzərində çalışdı, bir Hermes risaləsini (Risalətü Hermes fi muazələtin-nəfs) və Həririnin "əl-Məqamat"ından 26-cı məqamı Latıncaya çevirdi.

1738-ci ildə diplomunu alınca Leydenə getdi. 1746-cı ildə "Miscellanəaə aliquot obsərvationəs mədicaə əx Arabum monuməntis" (Qədim Ərəb əsərlərində yer alan bəzi tıbbi mülahizələr) başlıqlı dissertasiyasıyla doktorluğunu müdafiə edərərək Leypsiqə döndü. Ancaq əsərində işlətdiyi bəzi ifadələr üzündən dönəmin öndə gələn teoloqları tərəfindən materialist olmaqda günahlandırıldı və universitetdə vəzifə alması əngəlləndi.

Bir müddət Latınca və Yunanca dərsləri verərək və Latın dilinə tərcümələr edərək güzəranını sürdürdü. Ardından "İslam tarixinə giriş" adlı əsəri Prodidagmatanı Saksoniya kralının oğlu Friedrix Xristiana təqdim etdi və bu sayədə professor ünvanıyla birlikdə 1755-ci ilə qədər davam edəcək bir burs qazandı. 1758-ci ildə bir litseyə müdiri oldu. İohann Yakob Reyske 14 avqust 1774-cü ildə vərəmdən öldü.