Şadiyə Müvəddət Qadınəfəndi

Şadiyə Müvəddət Qadınəfəndi (12 oktyabr 1893, Adapazarı, Osmanlı imperiyası – 1951) — son Osmanlı sultanı VI Mehmed Vahidəddinin üçüncü xanımı.

Şadiyə Müvəddət Qadınəfəndi
وداعا عشيقة
Şəxsi məlumatlar
Doğum adı	شاديه چيخچى
Doğum tarixi	12 oktyabr 1893
Doğum yeri	Adapazarı, Osmanlı imperiyası
Vəfat tarixi	1951
Fəaliyyəti	əsilzadə
Həyat yoldaşları	VI Mehmed Şakir bəy Əminpaşazadə
Uşağı	Mehmed Ərtoğrul Əfəndi
Ailəsi	Osmanlı xanədanı
Dini	Sünni, İslam

Kiçik yaşlarında olan Müvəddət xanım Şahzadə Vahidəddinin xəzinədarı olan xalası Həbibə xanımın vasitəsilə Çəngəlköy sarayına alınmış, burada saray təhsili almışdır. Sarayda xidmət edərkən Şahzadə Vahidəddinin nəzərini cəlb etmiş, 24 aprel 1911 tarixində onun üçüncü xanımı olaraq evlənmişdir. Bir il sonra sultanın yeganə oğlu olan Şahzadə Mehmed Ərtoğrul Əfəndini dünyaya gətirmişdir. Sultan Vahidəddin taxta çıxdıqdan sonra isə Şadiyə Müvəddət xanım sultanın ikinci qadınəfəndisi elan edildi.

1922-ci ildə Sultan Vahidəddin taxtdan endirilərək sürgün edilmiş, Şadiyə xanım da onunla birlikdə İtaliyadakı San-Remo qəsəbəsinə getmişdir. Burada böyük bir köşkdə yaşayan Şadiyə xanım 1926-cı ildə ərinin vəfatının ardından İsgəndəriyyəyə köçdü və burada 2 may 1932-ci ildə Şakir bəy Əminpaşazadə ilə evləndi. Ancaq bu evlilik 28 fevral 1936 tarixinədək davam etdi. 1944-cü ildə oğlunun vəfatının ardından İstanbula qayıtmaq istədi və davam edən müzakirələrin ardından 1948-ci ildə vətənə qayıtmaq üçün xüsusi icazə aldı. Ancaq çox keçmədən 1951-ci ildə İstanbulun Çəngəlköy rayonunda vəfat etdi və burada dəfn olundu.

• Mehmed Ərtoğrul Əfəndi (d. 5 oktyabr 1912 — ö. 2 iyul 1944)

• Günay Günaydın (2006). Haremin son gülleri. Mevsimsiz Yayınları. ISBN 978-9944-987-03-5
• Bir Çerkes prensesinin harem hatıraları. L & M. 2004. ISBN 978-975-6491-31-7