Əyripəncə

Əyripəncə (isp. El pie varo) (həm də Əyripəncə oğlan kimi tanınır) — 1642-ci ildə İspaniya rəssamı Xose de Ribera tərəfindən yağlı boya ilə kətan üzərində çəkilmiş rəsm əsəridir. Neapolda çəkilmiş rəsm əsəri hazırda Parisdəki Luvr muzeyinin kolleksiyasında saxlanılır. Sənət tarixçisi Ellis Uoterhaus əsəri “Riberanın büün yaradıcılığını təfsir edən təcrübə daşı adlandırır.”[3]

Əyripəncə
isp. El pie varo
Rəsmin görünüşü
Rəsmin görünüşü
Rəssam Xose de Ribera
Tarixi 1642[1]
Üslubu portret[2]
Texnikası yağlı boya və kətan
Ölçüləri 164 ± 1 sm[2] × 93,5 ± 0,1 sm[2]
Materialı yağlı boya[d][2]
Saxlanıldığı yer Luvr muzeyi
Saytı louvre.fr/oeuvre-notices…
louvre.fr/en/oeuvre-noti…
louvre.fr/jp/oeuvre-noti…
İnventar nömrəsi MI 893
Vikianbarın loqosu Vikianbarda əlaqəli mediafayllar

Flamand taciri tərəfindən sifariş edilmiş rəsmdə neapollu dilənçi oğlan təsvir edilmişdir; onun ayağı deformasiyalıdır. Oğlanın arxasında geniş və işıqlı peyzaj təsvir edilmişdir, nazik və köhnə geyimdə olan uşaq gülümsəyir, onun sol çiynində qoltuqağacı vardır. Əlində tutduğu kağızda latın dilində yazılmışdır: “DA MIHI ELEMOSINAM PROPTER AMOREM DEI” (azərb. Tanrı sevgisi naminə, sədəqə verin‎).

Tarixi

[redaktə | mənbəni redaktə et]

Rəsm Riberanın ən son və sərt əsərlərindən biridir. Rəng və ton kontrastı əsərin əsas xüsusiyyətlərindən biridir. İtaliya İntibah rəssamlarının və Flamand rəssamlarının kompozisiyalarını öyrənməsi və bütün həyatı boyu İtaliyada yaşamasına baxmayaraq o, İspaniya rəssamlarının realist stilindən təsirlənmişdir.[4]

İnsan zəiflikləri haqqında xristian düşüncəsinə meyl edən İspaniya rəssamları tez-tez əsərlərində dilənçilər, şikəstlər və əbləhləri təsvir edirdilər. Rəsmdə şəxsi halına oyun kimi yanaşan balaca avara təsvir edilmişdir; əlində tutduğu üzərində latınca yazılmış kağız vasitəsiylə balaca avara izləyicisinə ehtiyacı olduğunu və kömək gözlədiyini də bildirir.[5]

Karravacco tərəfindən yaradılan və sonradan Neapolda realist stilin ən sadiq davamçısı olan Ribera tərəfindən izlənən motiv, sözsüz ki, incəsənətdə aşağı sinifin həyat səhnələrinə marağın törəməsidir.[6]

İstinadlar

[redaktə | mənbəni redaktə et]
  1. ↑ rəsmin aşağı sağ küncündə yazılmışdır: Jusepe de Ribera espanol f 1642
  2. ↑ 1 2 3 4 5 6 Joconde (fr.). 1975.
  3. ↑ Waterhouse, Ellis. Italian Baroque Painting. London: Phaidon Press. 1962. səh. 178. 2016-03-04 tarixində arxivləşdirilib. İstifadə tarixi: 2018-08-20.
  4. ↑ M. Scholz-Hansel, Jusepe De Ribera (Masters of Spanish Art), Konemann UK Ltd (2001), passim.
  5. ↑ Cf. M. Scholz-Hansel, ibid., p.89.
  6. ↑ M. Laclotte & J-P. Cuzin, The Louvre: Paintings, Scala Publishers Ltd (2004), s.v. "Ribera".

Ədəbiyyat

[redaktə | mənbəni redaktə et]

Xarici keçidlər

[redaktə | mənbəni redaktə et]