ATV Kitab
 | Bu məqalədəki və ya bölmədəki məlumatlar köhnədir. |
ATV Kitab — Azad Azərbaycan TV ilə 2015–17-ci illərdə Parlaq İmzalar, 2017-ci ildən isə Hədəf nəşriyyatının birgə layihəsi.
Haqqında
[redaktə | mənbəni redaktə et]17 oktyabr, 2015-ci ildə Azad Azərbaycan Müstəqil Teleradio şirkəti ilə Parlaq İmzalar nəşriyyatı arasında əməkdaşlıq memoarandumu imzalanaraq "ATV Kitab" layihəsinə start verilib.[1][2]
9 mart, 2015-ci il tarixində Bakı Şəhər Mədəniyyət və Turizm Baş İdarəsi ilə əməkdaşlıq memorandumu imzalanmışdır. Memorandumun şərtlərinə görə Bakı şəhərində və paytaxtın rayonlarında uşaq, yeniyetmə və gənclərlə görüşlərin keçirilməsi, onların bədii ədəbiyyata və mütaliəyə marağının artırılması məqsədi ilə müxtəlif mədəni tədbirlərin təşkili çərçivəsində “ATV Kitab” layihəsinə daxil olan nəşr nümunələrinin alınıb gənc oxuculara çatdırılması nəzərdə tutulub.
Layihə çərçivəsində 27 may 2016-cı il tarixinə kimi 7 kitab nəşr olunub.[3] 5 iyul, 2016-cı il tarixində də Bakı Şəhər Mədəniyyət və Turizm Baş İdarəsi ilə Azad Azərbaycan MTş arasında imzalanmış əməkdaşlıq memorandumuna əsasən Parlaq İmzalar nəşriyyatında çap olunmuş “Bartlbi və çevrəsi”, “Səsindən tanıdılar payızı”, “Dədə Qorqud”, “Tənha”, “Alman malı”, “Azəristan ölkəsi” adlı ilk kitabların təqdimat mərasimi keçirilib.[4][5]
ATV Kitab layihəsinin rəhbəri Azərbaycan Yazıçılar Birliyi Bədii Tərcümə və Ədəbi Əlaqələr Mərkəzinin sədri, şair, tərcüməçi Səlim Babullaoğlu ilə Parlaq İmzalar nəşriyyatının direktoru Nurman Tariq arasında imzalanıb. ATV Kitab" layihəsinin redaksiya heyətinə Vüqar Qaradağlı (sədr), Məsiağa Məhəmmədi, Etibar Babayev, Cavanşir Yusifli, İlqar Fəhmi, Səlim Babullaoğlu (layihə rəhbəri), Seyfəddin Hüseynli, Dilman Şahmərdanlı və Rəşid Çulaqov daxildir.
2017-ci il iyunun 20-də "ATV Kitab" layihəsi "Hədəf" Şirkətlər Qrupu ilə daha bir Əməkdaşlıq Memorandumu imzalayıb. Memorandumu layihənin rəhbəri Səlim Babullaoğlu və qrupun təsisçisi Şəmil Sadiq imzalayıblar. S.Babullaoğlu açıqlamasında bildirib ki, ilyarım müddət ərzində fəaliyyət göstərən "ATV Kitab" layihəsi öz fəaliyyətini şaxələndirmək qərarı verib. Bu, özünü həm nəşr ediləcək kitabların məzmununda, həm dizaynında, eləcə də onların təqdimatında büruzə verəcək. "Çağdaş nəsrin ustaları", "DƏB" (Dünya ədəbiyyatından books) və başqa kitab seriyalarının təsis və nəşr edilməsi düşünülür.[6]
Nəşrlər
[redaktə | mənbəni redaktə et]
Layihə çərçivəsində 07 iyul 2017-cı il tarixinə kimi 15 kitab nəşr olunub.[3]
- Tənha – Avqust Strindberq
- Azəristan ölkəsi – Vintsas Kreve
- Alman malı – Mirmehdi Ağaoğlu
- Səsindən tanıdılar payızı (Yapon şeir antologiyası)
- Dədə Qorqud dastanları (uşaq və yeniyetmələr üçün)
- İlyas Göçmənin şəkil dəftəri - Səlim Babullaoğlu
- Bartlbi və çevrəsi – Enrike Vila Matas
- Gürzəçöl yazıları – Vaqif Səmədoğlu
- Tanrının ay üzündən öp - Mustafa Məstur
- Tanrı tənhalığı - İlqar Kamil
- Xaqani Şirvani - Ərəbcə şeirləri
- Ortaq şəhər - Ülviyyə Tahir
- Bir də heç vaxt - Fərid Hüseyn
- Əlvida, Kolumbus - Filip Rot
- Cənnətdə payız - Günel Eminli
ATV Kitab/Çağdaş nəsrin ustaları
- Balıq gülüşü - Mübariz Örən
İstinadlar
[redaktə | mənbəni redaktə et]- ↑ ""ATV Kitab" layihəsinə "Parlaq İmzalar"la start verildi" ( (az.)). video.atv.az. 2015-10-19. 2016-08-03 tarixində orijinalından arxivləşdirilib. İstifadə tarixi: 2016-07-17.
- ↑ ""ATV kitab" layihəsinə "Parlaq imzalar"la start verildi" ( (az.)). news.milli.az. 2015-10-19. 2016-08-03 tarixində orijinalından arxivləşdirilib. İstifadə tarixi: 2016-07-17.
- ↑ 1 2 "Vaqif Səmədoğlunun "Gürzəçöl yazıları"- "ATV Kitab" seriyasında "Parlaq imzalar"la" ( (az.)). ayb.az. 2016-05-27. 2016-08-03 tarixində arxivləşdirilib. İstifadə tarixi: 2016-07-17.
- ↑ "Bakı Şəhər Mədəniyyət və Turizm Baş İdarəsi ilə "ATV Kitab" layihəsinin əsasında nəşr olunmuş ilk kitabların təqdimatı keçirilib" ( (az.)). /mct.gov.az. 2016-07-05. 2016-08-03 tarixində arxivləşdirilib. İstifadə tarixi: 2016-07-17.
- ↑ Джани Бабаева. "ATV Kitab: в Баку презентованы книжные издания (ФОТО)" ( (rus.)). trend.az. 2016-07-05. 2016-08-03 tarixində orijinalından arxivləşdirilib. İstifadə tarixi: 2016-07-17.
- ↑ ""ATV Kitab" layihəsi ilə "Hədəf" Şirkətlər Qrupu arasında memorandum". 2024-05-01 tarixində arxivləşdirilib. İstifadə tarixi: 2024-05-01.