Feriköy Məzarlığı
Feriköy Məzarlığı — İstanbul şəhərində Şişili və Okmeydanı bölgələrinin arasında yerləşən qəbiristanlıq.
| Qəbiristanlıq | |
| Feriköy məzarlığı | |
|---|---|
| türk. Feriköy mezarlığı | |
 Ağaoğlu ailəsinin məzarları | |
| Ölkə | Türkiyə |
| Şəhər | İstanbul |
| 41°02′54″ şm. e. 28°58′18″ ş. u. | |
|
|
|
 Vikianbarda əlaqəli mediafayllar | |
Haqqında
[redaktə | mənbəni redaktə et]Məzarlıq öz adını yerləşdiyi təpəlikdən alıb. Bir çox məşhur siyasətçinin və incəsənət xadimlərinin məzarları burada yerləşir. Məzarlıqda Azərbaycanın ilk ədliyyə naziri Xəlil bəy Xasməmmədli, ilk hərbi naziri Xosrov bəy Sultanov, mühəndis Qulam Mirzə Şərifzadə, "Difai" təşkilatının lideri Əhməd bəy Ağaoğlu və ailəsi, onun qızı Türkiyənin ilk qadın millət vəkili olan Sürəyya Ağaoğlu, Türkiyə İstiqlaliyyət Müharibəsinin iştirakçısı Baba bəy Behbud, mühacirlər Hüseynqulu xan Xoyski, Miryaqub bəy Mirmehdiyev, Məmməd Sadıq Aran, Kərim bəy Odər, Səlim Rəfiq bəy Rəfioğlu, Şəfi bəy Rüstəmbəyli, Nağı bəy Şeyxzamanlı dəfn olunublar.
Məzarlıqdakı azərbaycanlıların xatirəsi
[redaktə | mənbəni redaktə et]2018-ci ildə məzarlıqda baxımsız qalan bir çox azərbaycanlının qəbirləri təmir olunub və məzarlığın girişində Azərbaycan Xalq Cümhuriyyətinin qurulmasının 100 illiyi münasibətilə Cümhuriyyət qurucularının xatirəsinə abidə ucaldılıb. Abidənin üzərində Azərbaycanın və Türkiyənin dövlət bayraqlarının rəsmi “Bir millət, iki dövlət” ifadəsi, Feriköy məzarlığında uyuyan Xəlil bəy Xasməmmədli, Xosrov bəy Sultanov, Qulam Mirzə Şərifzadə, Əhməd bəy Ağaoğlu, Baba bəy Behbud, Hüseynqulu xan Xoyski, Miryaqub bəy Mirmehdiyev, Məmməd Sadıq Aran, Kərim bəy Odər, Səlim Rəfiq bəy Rəfioğlu, Şəfi bəy Rüstəmbəyli, Nağı bəy Şeyxzamanlının adları yazılıb[1].
Məzarlıqda dəfn olunan məşhurlar
[redaktə | mənbəni redaktə et]- Şəmsəddin Sami - alban əsilli türk yazıçı və tədqiqatçı
- Əli Sami Yen - türk futbolçu
- Keriman Xalis Ece Tamer - Türkiyənin ilk "Dünya Gözəli"
- Turqut Özatay - türk aktyor
- Ahmet Mete Işıkara - türk alim
Məzarlıqda dəfn olunan azərbaycanlılar
[redaktə | mənbəni redaktə et]- Əhməd bəy Ağaoğlu - dövlət xadimi Difai təşkilatının qurucusu[2]
- Xəlil bəy Xasməmmədli - Azərbaycanın ilk ədliyyə naziri.
- Xosrov bəy Sultanov - Azərbaycanın ilk müdafiə naziri.
- Qulam Mirzə Şərifzadə - 1919-1920-ci illərdə Azərbaycan Dövlət teatrının direktoru.
- Sürəyya Ağaoğlu - Türkiyənin ilk qadın millət vəkili.
- Baba bəy Behbud - Azərbaycan Xalq Cümhuriyyəti ordusunun zabiti, hərbi mühacir, Türkiyə Silahlı Qüvvələrinin polkovniki, Türkiyə İstiqlaliyyət Müharibəsinin iştirakçısı.
- Hüseynqulu xan Xoyski - çar ordusunun general-mayoru, Azərbaycan Xalq Cumhuriyyəti dövründə Gəncənin general-qubernatorunun müavini.
- Mir Yaqub Mehdiyev - Azərbaycan milli istiqlal hərəkatının fəal iştirakçıların və İttihad Partiyasının qurucularından biri.
- Məmməd Sadıq Aran - Azərbaycan Xalq Cumhuriyyəti parlamentinin üzvü, mühacir, yazıçı.
- Kərim Odər - Azərbaycan Dövlət xadimi, Musavat Partiyasının III başqanı.
- Şəfi bəy Rüstəmbəyli - "Azərbaycan" qəzetinin redaktoru, Azərbaycan Xalq Cumhuriyyəti parlamentinin üzvü, Azərbaycan Xalq Cümhuriyyətinin Daxili İşlər Nazirinin birinci müavini.
- Nağı bəy Şeyxzamanlı - Azərbaycan Xalq Cumhuriyyətinin xüsusi xidmət orqanı olan Əksinqilab ilə mübarizə təşkilatının rəisi.
Həmçinin bax
[redaktə | mənbəni redaktə et]İstinadlar
[redaktə | mənbəni redaktə et]- ↑ "İstanbulda uyuyan Cümhuriyyət qurucularının xatirəsinə abidə ucaldılıb". 2021-04-23 tarixində arxivləşdirilib. İstifadə tarixi: 2018-11-14.
- ↑ Əhməd bəy Ağaoğlu