Mübariz Zeynalov

Mübariz Zeynalov (d. 18 mart 1945, Kirovabad, Azərbaycan SSR, SSRİ – ö. 8 avqust 2015, Bakı, Azərbaycan) — Azərbaycan futbolçusu. "Neftçi"nin əfsanəvi 1960-cı illər nəslinin nümayəndələrindən biri.[3] Karyerası ərzində yarımmüdafiəçi mövqeyində çıxış etmişdir.[3]

Mübariz Zeynalov
Ümumi məlumatlar
Ləqəbi Bol[1]
Doğum tarixi
Doğum yeri SSRİ, Azərbaycan SSR, Kirovabad
Vəfat tarixi (70 yaşında)
Vəfat yeri Azərbaycan Azərbaycan, Bakı
Vətəndaşlığı SSRİ SSRİ→
Azərbaycan Azərbaycan
Təhsili
Boyu 172 sm[2]
Çəkisi 70 kq[2] kq
Mövqeyi yarımmüdafiəçi
Karyerası
Klub karyerası[* 1]
"Alüminium Zavodu" (Kirovabad) ? (?)
"Dinamo" (Kirovabad) 1963-1966 ? (?)
"Neftçi" (Bakı) 1966-1972 ? (?)
"Dinamo" (Kirovabad) 1972-1974 ? (?)
Milli yığma[* 2]
Azərbaycan Azərbaycan 1992-1993
Məşqçisi olduğu klublar
"Kəpəz" (Gəncə) 1993 ? (?)
  1. ↑ Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı.
  2. ↑ Rəsmi oyunlarda milli yığmanın heyətində keçirdiyi oyunların və vurduğu qolların sayı.

Həyatı

[redaktə | mənbəni redaktə et]

Mübariz Zeynalov 1945-ci il martın 18-də Kirovabad şəhərində anadan olmuşdur.[3]

Uşaq yaşlarından futbola böyük həvəsi olan Zeynalov bu idmanı o zamanlar doğma şəhərin daşlı, qəmbərli küçələrində öyrənib.[3] 15-16 yaşlarında ikən qonşuluğunda yaşayan Ağa Abbasovun təklifi ilə onun oynadığı "Alüminium Zavodu" komandasında meydana çıxır.[1] Bir müddət orada oynadıqdan sonra onu 17 yaşında ikən "Dinamo" (Kirovabad) komandasının hazırlıq qrupuna götürdülər və bir il də orada oynayır.[1] 1964-cü ildə komandanın əsas heyətinə qəbul edilir.[1] 1965-ci ildə "Dinamo" "Klas B"-də çempion olaraq "A qrupu"na vəsiqə qazanır və Mübariz Zeynalov da SSRİ İdman Ustası adını qazanır.[2]

1966-cı ildən "Neftçi"nin heyətində çıxış edir.[1] 1968-ci ildə dizindən ciddi zədə alır və Moskvada əməliyyat olunur.[1] Bu səbəbdən də 1 il oynamır.[1] 1969-cu il mövsümünün yarısından yenidən oynamağa başlayır.[1] Ümumilikdə "Neftçi"də 130-a yaxın görüş keçirmişdir.[1]

Həmin vaxtlarda Kirovabadda Kənd Təsərrüfatı İnsitutunda oxuyurdu, amma onu oyunlar səbəbindən smesterlərə gedə bilmədiyi üçün təhsildən xaric etmişdilər.[1] Elə bu vaxtlarda Bakıda yataqxana liftində təsadüfən Kirovabadın ikinci katibi Tofiq Kazımov ilə qarşılaşır. Hansı ki, o, institutlara nəzarət edirdi.[1] Mübariz ona İnstitutdan çıxarıldığını deyir və ondan köməklik istəyir.[1] Tofiq Kazımov bildirdi ki, onu instituta bərpa etmək çox asandır.[1]

"Amma bir şərtim var. Gəl Kirovabadda oyna, səni İnstitutuna qaytarım və bir ev verəcəm".[1]

Beləliklə 1972-ci ildə Kirovabada qayıdır, İnstitutun 3-cü kursuna bərpa edilir[2] və iki il orada oynadıqdan sonra 1974-cü ildə 29 yaşında ikən futbolçu karyerasını başa vurur.[1] Bu haqda sonralar o, belə demişdir:

"Bəzi şeylərə görə peşmanam. Karyeramı erkən bitirdiyimə görə, futboldan uzun illər kənarlaşdığıma görə peşmanam. Nə etmək olar, həyat davam edir, qismət belə imiş.".[2]

1992-1993-cü illərdə Ruslan Abdullayev və Ağasəlim Mircavadovla birlikdə Azərbaycan milli futbol komandasında məşqçi, 1993-cü ildə "Kəpəz"də baş məşqçi kimi fəaliyyət göstərib.[1]

Uzun bir müddət futboldan kənar qaldıqdan sonra, 2010-cu ildən AFFA-da seleksiyaçı-məşqçi kimi çalışmışdır.[1]

Ömrünün sonunda – 31 mart 2015-ci ildən[4] "Neftçi" PFK-nın Müşahidə Şurasının üzvü idi.[5]

Vəfatı

[redaktə | mənbəni redaktə et]

Mübariz Zeynalov 2015-ci ilin avqust ayının 8-də vəfat etmişdir.[5] O, uzun müddət müalicə aldığı Mərkəzi Neftçilər Xəstəxanasında dünyasını dəyişmişdir.[6] Ömrünün son aylarda 2 dəfə ürəktutma diaqnozu ilə xəstəxanaya yerləşdirilmişdir.[6] Sonuncu dəfə veteran futbolçunun vəziyyəti ölümündən bir ay öncə pisləşmiş və o, komadan ayılmamışdır.[6]

Ailəsi

[redaktə | mənbəni redaktə et]

1970-ci ildən nişanlı olmuş və karyerasını başa vurduqdan sonra 1974-cü ildə ailə qurmuşdur.[1] Onların 2 qız və bir oğlu dünyaya gəlmişdir.[1]

Uğurları

[redaktə | mənbəni redaktə et]
SSRİ çempionatı
  • "A qrupu":
    • Bürünc medal (1): 1966
  • "Klas B":
    • Qızıl medal (1): 1965

İstinadlar

[redaktə | mənbəni redaktə et]
  1. ↑ 1 2 3 4 5 6 7 8 9 10 11 12 13 14 15 16 17 18 19 Aygün İlqarqızı. "II Taym" layihəsi: “Dedim ki, bu qız mənim qismətimdir” – Azərbaycanın Bolu – FOTOLAR Arxivləşdirilib 2016-03-06 at the Wayback Machine. publika.az, 19.10.2013  (az.)
  2. ↑ 1 2 3 4 5 "FUAD MUSAYEVİN BUNU NİYƏ ETDİYİ BU GÜNƏ KİMİ MƏNƏ QARANLIQ QALIR" Arxivləşdirilib 2015-09-11 at the Wayback Machine. supersport.az  (az.)
  3. ↑ 1 2 3 4 AFFA “bürünc” veteranı təbrik etdi Arxivləşdirilib 2016-03-10 at the Wayback Machine. publika.az, 14.03.2015  (az.)
  4. ↑ Çingiz Abdullayev "Neftçi"nin Müşahidə Şurasının sədri seçildi (ƏLAVƏ OLUNUB-2) (FOTO) Arxivləşdirilib 2015-08-03 at the Wayback Machine. trend.az, 31.03.2015  (az.)
  5. ↑ 1 2 Azərbaycanın veteran futbolçusu vəfat etdi Arxivləşdirilib 2015-08-10 at the Wayback Machine. qafqazinfo.az, 09.08.2015  (az.)
  6. ↑ 1 2 3 "Neftçi"nin bürünc heyətinə daha bir ağır itki Arxivləşdirilib 2021-09-25 at the Wayback Machine. sportnet.az, 09.08.2015  (az.)