Tərlan Əhmədov

Tərlan Musa oğlu Əhmədov (d. 17 noyabr 1971, Əli Bayramlı) — azərbaycanlı futbolçu, məşqçi. Futbolçu karyerasında müdafiəçi, hücumçu mövqelərində çıxış etmişdir. "SSRİ"-nin yeniyetmələrdən ibarət yığma komandası ilə futbol üzrə Avropa çempionu.

Tərlan Əhmədov
Ümumi məlumatlar
Tam adı	Tərlan Musa oğlu Əhmədov
Doğum tarixi	17 noyabr 1971 (52 yaş)
Doğum yeri	Əli Bayramlı, Azərbaycan SSR, SSRİ
Vətəndaşlığı	Azərbaycan
Boyu	184 sm
Çəkisi	76 kq
Mövqeyi	müdafiəçi yarımmüdafiəçi
Karyerası
Klub karyerası[* 1] 1989 Termist (Bakı) 8 (1) 1989—1991 Neftçi (Bakı) 69 (0) 1992 Turan 6 (0) 1993 Terek 14 (0) 1993—1997 Qarabağ (Ağdam) 91 (28) 1997 U-18 1 (0) 1997 Anji 5 (0) 1998 Şəfa (Bakı) 8 (0) 1999—2000 Neftçi (Bakı) 17 (2) 2000 Fakel (Voronej) 7 (1) 2000—2001 Neftçi (Bakı) 18 (4) 2001—2002 Şəfa 17 (2) 2002—2003 İstiqlal ? (0) 2003—2004 Volın 22 (0) 2004 Qarabağ-Azərsun 11 (0) 2004—2006 Karvan 38 (0) 2006—2009 Olimpik-Şüvəlan 72 (1) Milli yığma[* 2] 1990 SSRİ (21 yaşlılar) 1992—2005 Azərbaycan 75 (0) Məşqçisi olduğu klublar 2009—2010 Xəzər-Lənkəran məşqçi 2011—2013 Neftçi (Bakı) məşqçi 2014—2017 AZAL 2017—2018 Neftçi (Bakı) 2018—2020 Keşlə
↑ Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı. ↑ Rəsmi oyunlarda milli yığmanın heyətində keçirdiyi oyunların və vurduğu qolların sayı.

Azərbaycanın "Termist" (Bakı), "Neftçi" (Bakı), "Turan" (Tovuz), "Qarabağ" (Ağdam), "Şəfa" (Bakı) klublarında oynayıb.

90-cı illərdə Rusiyanın Terek (Qroznı), Anji (Mahaçqala) klublarında çıxış etmişdir.

2000-ci ildə Qurban Qurbanovun oynadığı "Fakel" (Voronej) klubuna keçid edir, lakin yeni klubda problemlər yaşayır və mövsüm ərzində klubdan ayrılır.^[1]

2000/01 mövsümünü "Neftçi"də keçirir. 18 oktyabr 2001-ci ildə komandanın baş məşqçisi Kazbek Tuayev ilə aralarında yaşanan münaqişə səbəbindən "Neftçi"dən qovulur. Daha sonra "Şəfa" klubunda oynamağa başlayır.

2002/03 mövsümündə Azərbaycanda oynaya bilmədiyi üçün İranın yüksək liqa komandası "İstiqlal"ın dəvətini qəbul etdi. 2003-cü ildə "Volın" (Lutsk) klubuna keçid etdi və bu klubda mövsüm boyunca Ukraynanın yüksək liqasında 22 matç keçirmişdir. Tərlan Əhmədov "Volın"da Kamal Quliyev və Fərrux İsmayılov ilə birlikdə çıxış etmişdir.

2004-cü ildə "Volın" ilə müqaviləsi bitdikdən sonra yenidən Azərbaycana — "Qarabağ-Azərsun" klubuna qayıtdı.

2004–2006-cı illərdə "Karvan" (Yevlax) komandasında oynamışdır.^[2] Kluba Azərbaycan çempionatında mükafat alması üçün iki mövsüm ard-arda kömək etmişdir.

2006–2009-cu illərdə baş məşqçi Əsgər Abdullayevin dəvəti ilə Azərbaycan Premyer Liqasının "Olimpik-Şüvəlan" klubunda oynamış, komandanın kapitanı olmuşdur.

2008-ci ildə, hələ futbolçu olarkən B kateqoriyasında məşqçilik lisenziyası almışdır.

2009-cu ildə futbolçu karyerasını bitirməyə qərar verərək məşqçiliyə başladı^[3].

2009-cu ilin iyun ayından "Xəzər-Lənkəran" klubunun baş məşqçisi Ağasəlim Mircavadovun köməkçisi vəzifəsində çalışıb. 2009/10 mövsümünün sonunda ailə səbəbləri ilə əlaqədar klubdan ayrıldı.

2011-ci ildə "Neftçi" (Bakı) klubunda baş məşqçinin köməkçisi kimi işləmişdir^[4].

1992–2005-ci illər arasında Azərbaycan milli futbol komandasında çıxış etmiş və 75 oyun keçirmişdir. Milli komandada ilk oyununu 19 sentyabr 2002-ci ildə Gürcüstan milli futbol komandasına qarşı oynayıb.

Milli komandada son görüşünü 7 sentyabr 2005-ci ildə Avstriya milli futbol komandasına qarşı dünya çempionatının seçmə oyununda keçirib.

Dəfələrlə milli komandanın kapitanı təyin edilmişdir və kapitan sarğısını ən çox qoluna taxmış futbolçulardan biridir.

• "Azərbaycanda ilin futbolçusu" (1): 1999 (Futbol+ qəzetinin nəticələrinə əsasən^[5])

• Azərbaycan çempionatının gümüş medal mükafatçısı: 1993/94 ("Qarabağ"), 2005/06 ("Karvan"), 2007/08 ("Olimpik")
• Azərbaycan çempionatının bürünc medal mükafatçısı: 1992 ("Turan"), 1998/99, 1999/2000 ("Neftçi"), 2004/05 ("Karvan")

• Azərbaycan Kubokunun qalibi: 1993 ("Qarabağ")

• Avropa çempionu: 1990 (SSRİ U-18)

• Tarlan Akhmedov — International Appearances, www.rsssf.com  (ing.)