Bu səhifənin səhifə silmə qaydasına əsasən silinə biləcəyi güman edilir. Əgər səhifənin silinməsinə dair etirazınız varsa, silinməyə namizəd səhifələr səhifəsində bu barədə fikrinizi bildirin. Müzakirə davam etdiyi müddət ərzində səhifədəki bu xəbərdarlığı silməyin.
Bu məqalə sonuncu dəfə 2 saat əvvəl Nemoralis (müzakirə | töhfələr) tərəfindən redaktə olunub. (Yenilə) |
Parlaq İmzalar — Azərbaycanda fəaliyyət göstərən nəşriyyat.
Parlaq İmzalar | |
---|---|
Parlaq İmzalar MMC | |
| |
Ölkə | Azərbaycan |
Status | Fəaliyyətdədir |
Yaranma tarixi | 8 mart 2013 ) |
Qurucu | Nurman Tariq[1] |
Qərargah | Bakı |
Janr | Elmi, bədii, dini, fəlsəfi, əxlaqi və s. |
Sayt | www.parlaqimzalar.az |
"Parlaq İmzalar" Nəşriyyatı 3 mart 2013-cü ildə yaranmışdır.
2015-ci ildən ATV kanalı ilə ATV Kitab layihəsinə start verilib.[2]
“ATV Kitab” seriyasının “Parlaq imzalar”la birgə layihəsi çərçivəsində 2016-cı ildə silsilənin növbəti 4-cü nəşri - “Səsindən tanıdılar payızı” klassik yapon şeiri antologiyası ilə bir çox məşhur yapon orta əsr şairlərinin özlərinə ustad saydıqları tanınmış yapon şairi Saygyonun (1118-1190) müəllifi olduğu tankalar - beşliklər də Azərbaycanda ilk dəfə olaraq oxuculara məhz bu topluda təqdim edilir.[3] 2016-cı ilin fevralında Azərbaycan Yazıçılar Birliyinin (AYB) "Natəvan” klubunda antologiya təqdim olunub. Kitabın təqdimatında Azərbaycan Bədii Tərcümə və Ədəbi Əlaqələr Mərkəzinin və "ATV Kitab” layihəsinin rəhbəri Səlim Babullaoğlu, AYB-nin sədri, Xalq yazıçısı Anar, "Dünya Ədəbiyyatı” jurnalının baş redaktoru Seyfəddin Hüseynli, Yaponiyanın Azərbaycandakı səfirinin I katibi Kinqa Kobayaşi, antologiyanın tərcüməçisi Cəmşid Bəxtiyar və b. çıxışlar ediblər.[4]
2020-ci ildə “Hər uşağın kitab dostu ol” layihəsini həyata keçirib.[5]
Nəşriyyat 2021-ci ildə yaradılan “Azərbaycan Nəşriyyatları Assosiasiyası” İctimai Birliyinin (ANAİB) həmtəsisçisidir. Təsis iclasında həmçinin İdarə Heyətinin yekdil qərarı ilə “Parlaq İmzalar” Nəşriyyatının direktoru Nurman Tariq sədrin müavini seçilib.[6]
2023-cü ildə azərbaycanlı manasşünas alim, tanınmış şair Adil Cəmilin “Manas eposu və türk dastançılıq ənənəsi” kitabı Beynəlxalq Türk Mədəniyyəti və İrsi Fondu tərəfindən Azərbaycan və qırğız dillərində çap edilib. “Parlaq imzalar” nəşriyyatında işıq üzü görən kitab Azərbaycanda “Manas” eposunun tədqiqinə həsr edilmiş ilk monoqrafiyadır.[7]
17 oktyabr, 2015-ci ildə Azad Azərbaycan Müstəqil Teleradio şirkəti ilə Parlaq İmzalar nəşriyyatı arasında əməkdaşlıq memoarandumu imzalanaraq "ATV Kitab" layihəsinə start verilib.[8][9]
9 mart, 2015-ci il tarixində Bakı Şəhər Mədəniyyət və Turizm Baş İdarəsi ilə əməkdaşlıq memorandumu imzalanmışdır. Memorandumun şərtlərinə görə Bakı şəhərində və paytaxtın rayonlarında uşaq, yeniyetmə və gənclərlə görüşlərin keçirilməsi, onların bədii ədəbiyyata və mütaliəyə marağının artırılması məqsədi ilə müxtəlif mədəni tədbirlərin təşkili çərçivəsində “ATV Kitab” layihəsinə daxil olan nəşr nümunələrinin alınıb gənc oxuculara çatdırılması nəzərdə tutulub. Layihə çərçivəsində 27 may 2016-cı il tarixinə kimi 7 kitab nəşr olunub.[10]
5 iyul, 2016-cı il tarixində də Bakı Şəhər Mədəniyyət və Turizm Baş İdarəsi ilə Azad Azərbaycan MTŞ arasında imzalanmış əməkdaşlıq memorandumuna əsasən Parlaq İmzalar nəşriyyatında çap olunmuş “Bartlbi və çevrəsi”, “Səsindən tanıdılar payızı”, “Dədə Qorqud”, “Tənha”, “Alman malı”, “Azəristan ölkəsi” adlı ilk kitabların təqdimat mərasimi keçirilib.[11][12]