Rəvanə Qurbanova (Rəvanə Söhrab qızı Ərəbova, 21 iyun 1988, Şəki)[1] — solo-ifaçı, Beynəlxalq Muğam Mərkəzinin və Azərbaycan Dövlət Akademik Filarmoniyasının solisti.
Rəvanə Qurbanova | |
---|---|
Rəvanə Söhrab qızı Qurbanova (Ərəbova) | |
Ümumi məlumatlar | |
Doğum tarixi | |
Doğum yeri | Şəki |
Vətəndaşlığı | Azərbaycan , SSRİ |
Həyat yoldaşı | Rövşən Qurbanov |
Atası | Söhrab Arabov |
Anası | Leyla Arabova |
Musiqiçi məlumatları | |
Fəaliyyəti | Xanəndə |
Janr | Muğam |
Təhsili | Azərbaycan Dövlət Mədəniyyət və İncəsənət Universiteti |
21 iyun 1988-ci il tarixində Şəkidə anadan olub. Azərbaycan teatr rəssamı, Azərbaycan Rəssamlar İttifaqının üzvü — Söhrab Ərəbovun[2] qızıdır.
2002-ci ildə Şəki şəhər 2 saylı uşaq musiqi məktəbinin xanəndəlik sinfini, 2006-cı ildə Şəki şəhər 19 saylı orta məktəbini bitirib. 2007–2011-ci illərdə Azərbaycan Dövlət Mədəniyyət və İncəsənət Universitetinin musiqi sənəti fakültəsində bakalavr pilləsi üzrə, 2011–2013-cü illərdə isə magistr pilləsi üzrə təhsil alıb.
Təhsil illərində xalq artistləri Canəli Əkbərov və Səkinə İsmayılovadan dərs alıb.
2011-ci ildə tarzən Rövşən Qurbanovla ailə həyatı qurub. Bir qızı və bir oğlu var.
2019-cu ildən Beynəlxalq Muğam Mərkəzinin və Azərbaycan Dövlət Akademik Filarmoniyasının solistidir.
2007-ci ildə keçirilən Muğam Televiziya Müsabiqəsində III yeri tutub.[3][4] 2009-cu ildə keçirilən "Muğam aləmi" I Beynəlxalq Muğam Festivalının diplomantıdır.
2008-ci ildə İlham Əliyevin sərəncamı ilə Azərbaycan Respublikası Prezidentinin xüsusi təqaüdünə layiq görülüb, adı Azərbaycanın gənc istedadlarının “Qızıl kitabı”na daxil edilib.[5]
2017-ci il dekabr ayının 10-da Azərbaycan Dövlət Akademik Opera və Balet Teatrının səhnəsində tamaşaya qoyulmuş Üzeyir Hacıbəyovun "Leyli və Məcnun" operasında baş rolu – Leyli rolunu ifa edib.[6][7] [8] 2018-ci il 10 iyun tarixində Zülfüqar Hacıbəyovun "Aşıq Qərib" operasında baş rolu — Şahsənəm rolunu ifa edib.[9]
2018-ci ildə Beynəlxalq Muğam Mərkəzində "Vətənim" adlı solo-konserti olub.[10] 2019-cu ildə Azərbaycan Dövlət Akademik Filarmoniyasında Azərbaycan Dövlət Xalq Çalğı Alətləri Orkestrinin müşayiəti ilə "Oxu tar" adlı solo-konserti baş tutub.[11]
2011-ci ildə Qəbələ III Beynəlxalq Musiqi Festivalında[12], 2013-cü ildə "Muğam aləmi" III Beynəlxalq Muğam festivalında[13], 2021-ci ilin may ayının 12–13-də Şuşada keçirilmiş tarixi Xarıbülbül Musiqi Festivalında solo-ifaçı kimi iştirak edib.[14] [15]
Rəvanə Qurbanova ölkə hüdudlarından kənarda da Azərbaycan milli musiqi sənətini təbliğ edir.
Tarix | Tədbirlər |
---|---|
8–14 aprel 2008 | Türkmənistanın Aşqabad şəhərində keçirilən Musiqi festivalı[16] |
23–26 may 2008 | Belarusiyanın Minsk şəhərində keçirilən "Ulu Öndər Heydər Əliyev"in 85 illik anım gecəsi |
18–20 dekabr 2008 | Avstriyanın Vyana şəhərində Avstriya Milli Kitabxanasında Azərbaycan guşəsinin açılış mərasimi[17] |
24–27 noyabr 2009 | Almaniyanın Berlin şəhərində Qarabağla bağlı təşkil edilmiş konsert proqramı |
13–15 may 2010 | Litvanın Vilnus şəhərində Azərbaycan milli musiqisinin təbliği ile bağlı konsert proqramı[18] |
24–27 yanvar 2011 | Fransanın Strasburq şəhərində təşkil edilmiş Muğam Jazz kompozisiya konserti |
4–22 may 2011 | Amerikanın Texas ve Kaliforniya Ştatının şəhərlərində (Hyuston, Los Angeles, San-Fransisko, Vaşinqton) Əməkdar artist Emil Əfrasiyabın Muğam Jazz kompozisiya silsilə konsertləri[19][20] |
8–14 may 2012 | Londonda Kraliça II Elizabetin taxta çıxmasının 60 illik yubileyi ilə bağlı tədbir[21] |
27–30 avqust 2014 | Gürcüstanın Tiflis şəhərində keçirilən "Musiqi Festivalı" |
13–15 may 2018 | Dubayda keçirilən "Azərbaycan Mədəniyyət günləri" |
25–27 oktyabr 2019 | Finlandiyanın Helsinki şəhərində keçirilən Azərbaycan mədəniyyət günləri[22] |
22–28 sentyabr 2021 | Meksikanin Tampiko şəhərində ölkə mustəqilliyinin 200 illiyi münasibətilə yubiley tədbiri[23] |
25–26 sentyabr 2021 | Moskvada Rusiya Milli Musiqi Muzeyi BMM (Beynəlxalq Mətbuat Mərkəzi) ile əməkdaşlıq muqaviləsinin imzalanması ilə əlaqədar konsert proqramı[24] |
6–8 noyabr 2021 | İstanbulda keçirilən "Zəfər Günü" ilə bağlı tədbir[25] |
2–6 dekabr 2021 | İsveçrənin Bazel şəhərində Nizami Gəncəvinin 880 illiyi ilə bağlı təşkil edilən tədbir[26] |