Xüsusi festbol

Xüsusi festbol (ing. Fastball Special) — super qəhrəman ədəbiyyatında məşhur döyüş hərəkəti. Hərəkətin icra qaydasına görə super güclü qəhrəman partnerini əlləri ilə hədəfə tullayır. Hərəkətin tarixi 1958-ci ilə uzanır. DC Comicsin nəşr etdiyi "Macəra komiksləri"nin 258-ci sayında Superoğlan Robini düşmənə doğru tullamışdır. Bu manevr Marvel Comics tərəfindən "Əsrarəngiz İks-adamlar" komiksinin 94-cü buraxılışında, Təhlükə otağı hekayəsində Kolossun Şimal porsuğunu fırlatması ilə məşhurlaşmışdır. Koloss bu hərəkəti adətən "Manevr 7" adlandırır. Daha sonra bu hərəkət hər iki super qəhrəmanın sevimli taktikasına çevrilmişdir. Marvel Comicsdən başqa komiks nəşriyyatları da komikslərində bu hərəkətə yer verirlər.

• 1992-ci ildə "İks-adamlar" cizgi serialının "Dayandırılmaz Caqqernaut" seriyasında bu hərəkətə istinad verilmişdi. Daha sonra cizgi serialın "Vəhşi torpaq, qəribə ürək. Birinci hissə" seriyasında Canavar və Şimal porsuğu tərəfindən icra edilmişdir.
• "Qisasçılar: Yerin ən qüdrətli qəhrəmanları" cizgi serialının "Digərlərinə bənzəməyən gün" seriyasında Nəhəng adam Halkı fırlatmışdır. "Qisasçılar birlikdə" və "Yeni Qisasçılar" seriyalarında isə Şey və Şimal porsuğu bu manevrı ifa etmişdilər.
• "Superqırıntılar" cizgi serialının 14a seriyasında Blossom "Babls, sən, mən. Xüsusi festbol" ifadəsini işlətmiş və daha sonra manevr icra edilmişdir.
• "Akvabets! Super şou!" teleserialının "Şou zamanı!" seriyasında da Kraş Maklarson ilə Yarasa komandiri bu manevrdan istifadə etmişdilər.
• "Transformers" cizgi serialının bir çox epizodunda Xüsusi festbol Bamblbi və Balkhid tərəfindən icra edilmişdir. Hətta "Nanosek" seriyasında 3-cü şəxs də — Provl da bu fəndə qatılmışdır.
• "Ben 10: Yadplanetli gücü" cizgi serialının bir epizodunda Kevin Beni düşmənlərin birinə fırlatmışdır.
• "Gənc qəhrəmanlar" cizgi serialının bir çox seriyasında bu manevrin icrasından bir çox dəfə istifadə edilmişdir. Çizgi serialda hərəkət "Manevr 7" adlandırılırdı.
• "Mənim kiçik ponim: Dostluq sehrdir" cizgi serialının 3.2 seriyasında Parlaq zireh və Şahzadə Ahəng bu hərəkətə müraciət etmişdilər.
• "Mükəmməl Hörümçək adam" cizgi serialında Hörümçək-adamın başçılıq etdiyi komandanın üzvləri Güc-adam və Dəmir yumruq bu hərəkətdən istifadə etmişdilər. Amma Güc-adam Dəmir yumruğu uğursuz şəkildə fırlatmışdır. Bunun əvəzinə Güc-adam Hörümçək-adamı düşmənin üzərinə fırlatmış və hədəfə uğurla çatmışdır. Cizgi serialın "Bəlalı Altılığın qayıdışı" seriyasında bu dəfə Güc-adam və Dəmir yumruq manevrı Kərgədana qarşı uğurla icra etmişdilər.

• 2006-cı ildə çəkilən "İks-adamlar: Son müqavimət" filmində Şimal porsuğu və Koloss xüsusi festboldan əvvəlcə Keşikçiyə, daha sonra Maqnetoya qarşı istifadə etmişdilər. Filmin produsseri Brett Ratner bu manevr haqqında ilk məlumatı 2004-cü ildə Con Kessedeyin "Heyranedici İks-adamlar" komiksinin 6-cı sayından əldə etmişdir.
• 2005-ci ildə "Akrobatik manevr" filmində Uild Stronqhold partneri Uarren Pisi fırlatmışdır.
• "Super ailə" cizgi filmində Mister İnanılmaz həyat yoldaşı Elastik qızı oğulları Cek-Ceki xilas etmək üçün partlayan təyyarəyə doğru tullamışdır.
• "Sonuncu fantasiyaz VII" filmində Kloud Strayf bir partneri ilə bu hərəkətdən istifadə etmişdir.

• "Super Mario RPG" oyununda bu hərəkətə rast gəlmək mümkündür.
• "Sonic Advance 3" video oyununda Tails personajı ikinci personaj olduqda "R" düyməsinə basdıqda yanındakı əsas personaj onu əlinə alıb düşmənə doğru tullayır.
• Şimal porsuğu müxtəlif personajlarla müxtəlif oyunlarda bu hərəkəti icra edə bilir: "X2: Wolverine's Revenge", "X-Men Legends", "Marvel: Ultimate Alliance" və "Marvel: Ultimate Alliance 2". "The Marvel: Ultimate Alliance" oyununda Şimal porsuğunun iştirakı olmadan da bu hərəkətdən istifadə olunur. Məsələn, oyunda Şeyin Mister Fantastiki fırlatdığı epizoda rast gəlmək olar.
• "Chrono Trigger" video oyununda Robo və Ayla bu manevra bənzər "Spin-kik" hərəkətindən istifadə edirlər.
• "Lego Marvel Super Heroes" oyununda missiyalardan biri Xüsusi festbol adlanır və bu missiyada Şimal porsuğu və Koloss iştirak edir.^[1]
• "Marvel Heroes MMORPG" video oyununda Koloss bu manevrdan istifadə edir.

• Xüsusi festbol "Lego Marvel Super Heroes"də.
• MarvelViki