гл., ийида, -на; ийиз || из ), ийизва; ая, ийин, авурай, ийимир || мийир, тавун, тахвун, хъувун, хъийин, хъийиз, ийиз тун 1) ни вуч са вуч ятӀани арадал гъун. Са хуьр алай кьван чкадал цӀай авуна. Ф. Ирид юкӀ алай Магьамад пагьливан. Бунтар авун хьана еке. Е. Э. Наиб Гьасаназ. Са къариди авур чӀиргъин Кас галачиз тӀуьн хьана кьван. С. С. Са къужадинни къаридин дяве. Ая хуьрек са тегьерда, Акван, ада вуч эзберда. С. С. Фекьи. Гьар атайда из вакай рат, Тазвач хьи вахъ такьат, гъейрат. С. С. Урусатдиз. Клуб авун къачунва къарардиз. X. Т. Гъуьгъвезрин хуьр. Девлетлуйриз ийиз пулав, Кесибри лап кьазва ялав. X. Т. Дагьустан. Чуьнгуьр хъсандиз ядай алакьунар авачтӀани, вахъ абур ийидай устадвал ава. Вун хътинбурухъ чи лезги эллер муьгътеж я. С. Зазни хуш я ви шаламар. 2) ни нивай, квевай магьрумарун. # бубадивай ~, багъдивай ~, каливай ~, ватандивай ~.... гзафбур чпин кӀваливайкъавай, диде ватандивай авуна ЛГ, 1997, 26. ӀӀ. Я дуст кас, къайдаяр, адетар авайди я, бес икӀ сухулмиш хьун, зун кӀвалахдивай авун дуьз жедани? Н. И. Гьакимрин папар. 3) ни вуч куьчуьрмишун, акъудун (вахт къалурдай гафарихъ галаз алакъада авайла). Абур йиф авун патал гъвечӀи са хуьре акъвазна. Ф. Гьуьлуьн шив # са югъ стхадин кӀвале ~, са варз Бакуда ~. 4) куьч., векьи. дишегьлидихъ галаз ксун. * айиб ~, гафар-чӀалар сад ~, гъилик ~, гьелек ~, гьарагъар ~, дамах ~, дяве ~, куьч. ~, къадагъа ~, къайгъу ~, кӀвал ~, жем ~, иесивал ~, ният ~, регьим ~, тариф ~. фагьум ~, фикир ~, терг~, хажалат ~, цуьк ~.
* ийидайди ийида ! межд. сада масадаз гьелегьар кьунин ибара. Боря, -лугьуда за, - бирдан кар я, кукупӀдин руш и патариз акъатда, заз ам аквада, ахпа за адаз ийидайди ийида. Р. Гь. Лацу цавун кӀаник.