фарс, ктаб, сущ.; - ди, -да 1) тӀал, рикӀин тӀарвал, гьам, перишанвал. Яр кьвалав гваз, суьгъбет жери кар авач, Ихьтин агьузар хьайи кас шедачни? Е. Э. Заз сабур гуз. Съезддин делегатар, балкӀанрилай эвичӀна, вилера гъамни агьузар аваз, сурун виликай акъвазна. Гь. Къ. Четин бахт. Цавун аршдиз хкаж жезва Кузвай рикӀин зи агьузар, Шаирдизни гузмач къимет, Ялтахарни Хьанва пара... Мегь. А. Цавун аршдиз хкаж жезва. Халкьар патал агьузарни агь хьайи Гьич садални леке кьведач ягь хьайи. С. Дербен я, дуст, Дербен я. 2) куьгьн. шел-хвал, къалмакъал. Гьич са касдиз кьве паб тахьуй дуьньяда, ХьайитӀа адан кӀвале агьузар жеди. Е. Э. Кьве паб.
* агьузар чӀугун гл., ни гьам, дерт чӀугун. И агьузар чӀугваз фена ахварал. Е. Э. Шеда зун. Шугвадай кьван ви агьузар, Зи ширин чан хьана бизар. С. С. Гуьзел яр. Даиман чӀугваз агьузар, Гьадакай вич хьана бизар ! С. С. Ише тефир жуван гафар. Къалуз Мусаибан азар, ЧӀугваз туна чав агьузар... С. С. Тапан кагъаздиз жаваб.