сущ.; -или, -иле; -илер, -илери, -илера масадалай аслу туширвал, азад тир гьал. Эй, юлдашар, и азадвал - Ажайиб им гьат хьана хьи. С. С. Азадвал. Килигна хьи гьакӀ тавуртӀа, хьанач азадвилер ясигьиз. С. С. Чи партид рекьиз. Кьуьчхуьр Саидан поэзиядин пайдахдал "Я ажал, я азадвал" кхьенвай". А. С. Хуьруьг Тагьиран эсерар. Азадвал кьиметлу ядигар яз акур касдивай азадсузвал эхиз жедач... Азадвал цавай аватна сиве гьатдач. Ам къазанмишун патал гурлу дявеяр тавуна жедач. А. А. Имам Ярагъ Мегьамед. Инкъилабдин гаф чкӀанвай рекьери Азадвилин майдандал чун акъудна. А. С. Хцихъ галаз ихтилат. Сагърай! Сагърай хайи ватан - Зун ви патав хкведа. Хкведа зун, рикӀиз дарих Азадвал бес тахьайла. А. Къ. КьванцӀила. Ни алудрай сергьят Кьулан вацӀалай, Жедайвал са рикӀ сагълам са беденда? Къведач кьван сад чаз куьмекиз Вацралай, Гузвай затӀ туш кьван азадвал туьквендай? Б. С. ЖедатӀа ша куьмека. Чарчеллай азадвал къведай йисан гатуз къвана кӀанзавай марф хьтин затӀ я. 3. Р. Веси.
* азадвилин женгер сущ.; масадалай аслу туширвал хуьн патал женгер. Малум тирвал, чапхунчи халкьар чпин медениятдай ацукьай халкьарилай хейлин гуьгъуьна амукьун адетдин кар тир. Куьз лагьайтӀа, куьчеривили меденият арадиз гъана, ам вилик финиз къулай шартӀар яратмишдач. Р. Р. Лезги халкьдин игитвилин эпос.