туьрк, сущ.; ~ди, -да; яр, -йри, -йра яшайишда, кӀвалахда са шумуд чеб-чпелай аслу туширвал ва я аслу тирвал арадиз гъидай гьал, къайда. Куьгьне душмандив алакъа жемир, ам вав дуст жедайди туш. С. С. Душманрикай мукъаят хьухь. Кьиблепатан Дагъустандинни Азербайжандин алакъаяр мадни гегьенш жезва. А. А. Лезгийрин литература. СтӀал Сулеймананни Хуьруьг Тагьиран алакъаяр кьилдин тема я. К, 1988, 2. ХӀ. Синонимар: рафтарвал, авсият.
* алакъа-салакъа \[алагъ-салагъ \] рах., сущ.; алакъа. Амма гьелелиг адаз цӀийидахъ галаз алагъ-салагъ туькӀуьриз кӀанзавачир. Б. Гь. Заз эвера. Гьа ихътин жуьредин серенжемар дачадани кьиле тухудай, ана къуллугъчийрин алакъа-салакъадиз талукь месэлаяр арадал вегьедай. ЛГ, 1996, 8. ӀӀӀ
* алакъадин идара \[узел\] урус узел связи, сущ.; хуьреринни шегьеррини арада телефондалди алакъа хуьзвай идара. Инсандин гъилералдини Уьмуьр патал хъсан шартӀар яратмишнавай: саки вири кьве мертебадин къванцин кӀвалер, еке туьквен, тарифлу ва машгьур юкьван школа, больница, алакъадин идара, Сбербанк, токдал элкъведай регъв, чӀехи колхоз, хуьруьн къерехдал маларин ферма, клуб, библиотека, машин фидай рехъ, - мад вуч кӀанда хуьруьн чкада, вични а вахтар. А. Эсетов. Тек са йис... || ЛГ, 2000, 10. VӀӀӀ. Гьайиф хьи, чи лезги районрин алакъадин узелрикай гъич садни сифтегьан цӀуд чка кьурбурун жергедик кьванни акатнач. Лезги районар. кьулухъ галамукьна || ЛГ, 2000,10. VӀӀӀ.