сущ.; -ди, -да; ар, -ри, -ра сад-садан гуьгъуьналлаз къайдада туна туькӀуьрнавай гьарфарин кӀватӀал. ИкӀ 1937 - йисан 20-майдиз ДАССР-дин ЦИК-дин Президиумди къарар кьабулна... Ада чи арадай лап четиндиз кӀелиз жезвай араб алфавит акъудна. ЛГ, 2001, 19. VӀӀ. Алфавит хуралай рикӀел хуьн лазим я, вучиз лагьайтӀа словарра гафар, списокра фамилияр, ктабрин тӀварар ва масабур алфавитдин къайдада гудай адет я. М. М. Гь.. Лезги грамматика. ☼ Гьелелиг тайин тирвал, лезгийри чпин тарихда вад алфавитдикай менфят къачуна: 1) Кавказдин Албаниядин халкьариндакай ( V-ӀV виш), 2) арабриндакай ( VӀӀ-ХХ), 3) П. К. Усларани Зульфикъаров Гъазанфер бегди туькӀуьрайдакай ( 1871 - 1920), 4) латиндакай ( 1928- 1938), 5) урусриндакай ( 1911 - йисалай ( Абужафер Мамедова туькӀуьрай ктабдилай башламишна) къедалди). Алай вахтунин лезги алфавитда 45 гьарф ава\].