гл., вуж-вуч; - къведа, -ана; къвез, къвезва; ша, алад, вач, фин, -урай, кьвемир; татун || атун тавун, атун тахвун 1) яхдиз ва я улакьда аваз са чкадив агакьун. Атана хьи, яр, ви чамар. Е. Э. Алагуьзли. Вуна хиялна, чуьнуьхдайди къвеч лагьана. Е. Э. Вирт квахьайдаз. Гьасан эфендиди кӀурт цваз ша лагьана, гъана Черкес, Акьулсуз лежбердин сивел хъел авуна шана Черкес. Е. Э. Черкес. Гьарнихъай къвез кьушункьушун, Гьафтедин къуз жез алтӀушун... С. С. Куьредин цӀерид хуьр. Малар къвез кӀур гудай гъаят Хьана, абуруз ар амач хьи. С. С. Иеси кьей Урусият. Им вуж хьурай? Зал къвезва ам чӀугуна. А. Къ. Дишегьлияр. "Ша, мугьманар, хуьруьз ша, Чи мехъерик, кьуьлерик... Ша, мугьманар, гьаятдиз, ацукьа чи демина... 3. Р., Б. С. Шарвили. Лугьузвайвал, клубдиз дяведай тахтай аскеррин багъри ксаризни ша лагъаналдай. С. Рамазанов. Дад-бидад я, бес хьурай тӀун ! || ЛГ, 1999. 25. ӀӀӀ. 2) пабвиле хьун, гъуьлуьз фин. Акурбуру: "Квахь, ваз ам къвеч ", - лугьуда. Е. Э. Гачал, гьей. 3) са гьихътин ятӀани гьиссди (хъиле), гьалди (ахвари, шелди) кьун. # ахвар ~, звал ~, хъел ~, шел ~, ван ~. Гуьлназ, вучиз на закай авунва хъел, Ваз хъел къведай за вуч авуна мегер. А. Ф. КьатӀ-кьатӀ авур зунжурар. КӀвале экӀядай гам авачир, самовардин чкадал цӀуцӀ хайи чивин ишлемишдай, стаканар михьдай дасмал авачир, шекер къужгъурда хуьдай кесибдиз чай хъун герек авачир ва ада чӀагьнакьа чайни шекер пучзава лугьуз Къурбаназ хъел кьвезвай. М. М. Гь. Халкьдин шаир. 4) вуж; нел ухшарар кваз хьун. Гадани бубадал атанвайди тир. Кьведазни рагьмет хьуй. Куьн сагърай. Гь. Къ. Четин бахт. Вагьабоврин хтуларни халуйрал атайбур, яни гьабуруз ухшар, марифат авайбур я: уьтквембур, жумартбур, зигьинлубур. ЛГ, 2001, 10.Ӏ. \[Зарлишан\]. Вун, вун дуьз буба хьанач адаз. Кчарихъ галаз гьатнавай душман. Ви рушни вал атайди хьана. Н. И. Гьакимрин папар. 5) вахт агакьун, алукьун. # кьуьд ~, гатфар ~, зул ~, гад ~. Антоним: хъфин. # герек ~, къван чӀалал атана \[къведа\],... атанач \[кьведач\], кьилел. ~, хуьруьк ~, ярар
* атай-хъфей сущ.; мугьман, тайин чкада хьана хъфейди (хъфидайди ) \[ Пампур \] ГьикӀ хьана? Атай- хъфей вуж ава? И. Гь. Саяд. Къардашалай башламишна лап счетоводдал къведалди юзун акатна, кӀвалахда зиринг хьана, атай хъфей фялейрин къайгъударар хьана, абуруз ачух рикӀи буюрмишнавай вилерай килигиз эгечӀнавай. Къ. М. Хайи чилин таватар
* къвез-къвез нар. югъ-къандивай. Къвез-къвез кӀеве гъатзава чун, гьакӀ ятӀани, катзава чун. «Куьн», «Чун» лугьуз вучиз фад-фад, Къакъатзава и пад, а пад. С. К. Жуванбуруз чар.