|| БУРЖ рах., сущ.; -ди, -да; -яр || -ар, -йри || ари, -йра || -ара са вуч ятӀани кьилиз акъудунин чарасузвал. Эй Сулейман, мецел зирек, Буржи я гьакӀ хьунухь, герек... С. С. Бендедин рикӀ тахьуй тешвиш. Кябедал фин мусурмандин буржи я. Садра кьванни нагагь аниз фейитӀа, Чалма ягъна, вун гьуьрметлу гьажи я. М. Б. Диндин кӀеви къанунриз... Туьрме я чаз мажбур учит, Гьаниз гьахьун бурж я бажит. М. А. Мегер гужар хьанан тӀимил. Мехъерик иштарак авун гьар сада вичин гьуьрметлу буржи яз гьисабзавай. Гь. М. Ирид къаш. - Эхь, чан хва. Къе поездар кьабулун ва рекье тун зи буржи я. Я. Я. Агалай сандух. Синонимар: везифа, мажбурнама, ферз.
* буржи туш кӀус, нин лугьузвай гафар низ талукьарнаватӀа, рахазвайдаз адахъ къайи гьиссер авайди къалурзавай ибара. Къвед лагьайди, на адаз, зун кьуьзуь кас я, лагь. Белли! Пуд лагьайди, на адаз лагь, зун халкьдин шаир я. ГъвечӀиди яни, чӀехиди яни, ам адан буржи туш, простой шаир! Кьуд лагьайди, вуна а маса государстводай тир касдиз лагь, инаг адан государство туш, зи государство я! Э. К. Шаир.