урус, сущ.; ди, -да; -яр, -йри, -йра 1) вичин чандилайни гъил къачуна ватан патал гьунар, игитвал, кьегьалвал авурди. Ватандин ЧӀехи дяведа ирид лезгиди Советрин Союздин Герой тӀвар къачуна. Бубадиз вичин хцикай Герой хьуниз умуд ава. X. Т. Кьуд йис. 2) ктаб. литературадин эсердик квай кас. Суьгьуьрдин махунин кьилин герой, адет яз, лежбердин хва, къаридин хва, пачагьдин хва, нехирбандин руш я. А. А. Лезгийрин ва Дагьустандин фольклор. Шииррин геройри чпичпиз къиметар гун сатирадин хьсан такьатрикай сад я. М. Ж. Сатирадин дергесдалди. - Квелди куьтягь жезва ктаб эхирдий, А геройри вуч патал женг чӀугвазвай? Ж. Бязибуру. Синоним: игит.