прил. 1) кьадардиз тӀимил. Сулейманан мисалди къалурна хьи, неинки миллионралди агъалияр авай, гьакӀ гъвечӀи халкьарин арадайни бажарагълу инсанар акъатун мумкин я. А. А. СтӀал Сулейман. -Гьа им чаз къведазни бес я, председателди са кап фуни нисидин гъвечӀи ккӀал кьве чкадал пайна. Б. Гь. Заз эвера. 2) яшариз тӀимил. # ~ чӀавуз, ~ чӀавалай. Ада чеб гъвечӀи чӀавалай инихъ хайи стхаяр хьиз яшамиш хьайиди рикӀел хкана. З. Э. Мехъер кьуьл туш. Лацу хъуькъвер, чӀулав вилер Авай гъвечӀи Зерифа, Экзамендавай вад къачуна, Галатнаваз хтанвай. А. С. «Ксанвай гуьзел».... и йикъалай Дагъларин сагъибдин рикӀиз къанлу дагъ хьиз гъвечӀи юлдаш къана. Б. Гь. Заз эвера. Къе за "Дагьустандин правда" газетдин отделдин редактор, жувалай яшдиз хейлин гъвечӀи зи ватанэгьли Айдунбегов Мирзедал, Дагьустандин радиодин лезги передачайрин редакциядин режиссѐр Агъабалаев Ризабаладал... РикӀин сидкьидай лацу пехилвал ийизва. ЛГ, 1997, 26. ХӀӀ. 3) авай аялрикай гуьгъуьнай хьайи. Зи гъвечӀи руш, бубадин чин Серин тирла, ша зи патав. А. С. Зи гъвечӀи руш. Синоним: бицӀи, куьлуь. Антоним: чӀехи, еке, зурба, сейке.
* гъвечӀи аптек(а) урус \[аптечка\], сущ. са касди ва я хизанди ишлемишдай дарманар авай кьвати. Ада кӀвале авай гъвечӀи аптекдай пеницилиндин мазь къачуна туртурдин хер алай чкадиз яна. А, Сайд. Туртур.
* гъвечӀи-гъвечӀи прил. 1) тӀимил яшар авай са шумуд. ГъвечӀи-гъвечӀи аялар гъаятдал куьгъвазвай. 2) размер еке тушир са шумуд. Гъаятдал гъвечӀи-гъвечӀи чувалар алай. Р.
* гъвечӀи вах сущ. са дидедин аялрикай яшариз гъвечӀи дишегьли аял.
* гъвечӀи стха сущ. са дидедин аялрикай яшариз гъвечӀи эркек аял.
* гъвечӀи чил урус \[малая земля\], сущ.; ягъанатдалди лап важиблу чка. Эхиримжи йисара иниз хуьруьнбуру айгъамдалди "ГъвечӀи чил" лагьана тӀвар ганва. Д. Шерифалиев. «ГъвечӀи чилин» чӀехи къазаяр || ЛГ, 2000, 6. ӀV. ☼ СССР тӀвар алай пачагьлугъдин девирда КПСС-дин Генеральный секретарь Л. И. Брежневан "ГъвечӀи чил" ( "Малая земля" ) ктаб акъатнай. "ГъвечӀи чил" ада немсерихъ галаз хьайи дяведа вичи иштарак авур армия хьайи чкадиз лугьузвай. Л. И. Брежневан фикирдалди, а чил чапхунчийрикай азад авуна хсуси вичин алакьунар хьаначиртӀа, дяведин нетижаяр масадбур жедай.
* гъвечӀи чӀав сущ. яшар тӀимил вахт.
* гъвечӀи чӀавалай нар. яшар тӀимил тир вахтундилай.
* гъвечӀи чӀавуз нар. яшар тӀимил тир вахтунда.
* гъвечӀи-чӀехи сущ. яшариз гъвечӀибур ва чӀехибур вири санлай. Адаз гъвечӀи-чӀехи чидайди тут. Р.
* гъвечӀи-чӀехивал сущ. гьардан яшдиз килигай рафтарвал.
* гъвечӀи-чӀехиди чир хьун гл.; низ жувалай гъвечӀибур, чӀехибур саймишдай, абуруз гьуьрметдай ахлакь хьун.