сущ.; -ди, -да: -ар, -ари, -ара 1) къадим заманайра аллагьламишнавайбурукай сад. Вуч ятӀани чи бубайри, уллу бубайри Яран сувар къейдзавай, берекатар артух хьун патал гъуцариз дуьаяр ийизвай... Н. Меликов. Яран сувар меркезда. Гъуцар садрани рикӀелай ракъурмир. Куь гъуцар чун я: ЧӀехи Рагъ! Адалатдин гъуц Алпан! ЧӀимелвилин гъуц Гудул! Йиферин сирерин иеси Варз! Иервилин гъуц - Яргъируш! ЧӀана крарикни акахьдай Алдин паб! Ф. Б. Миф. 2) ( чӀехи гьарфуналди Гъ, гаф гзафвилин кьадардин формада аваз - Гъуцар ) Аллагь. ЦӀуд йис идалай вилик зун Гъуцари гана! -лугьуз, вичин тарифарна къуншидин аялди. Ф. Сад гъуцари, сад дидеди. Гъуцар, Вуна гай дерт чӀугваз шеда зун. Е. Э. Шеда зун. Бахтуни гатурай чи ракӀар, чи вар, Вуна чун кӀеверай акъуда, Гъуцар. Халкь патал гьар са югъ жедайвал сувар, Лугьурай бахтлу я, шад я лезгияр. С. К. Яран сувариз. Синонимар: Аллагь, Агъа, Зулжалал, Первердигар, Ребби, Халикь, Худа.
* гъуцари гун гл., Аллагьдин патай майилар хьун. Гъуцари гай касдиз садни герек туш. Е. Э. Герек туш. Амай гафар таб я, - Гъуцари гайитӀа, ам адаз Дуьньядин багъа зинет я. Е. Э. Камаллу паб.