тӀв. эв. 1) рахазвайдаз тийижир кас, затӀ чирун патал суалдин гаф. Гьи касди зи балкӀан кьуна, тухвана? Е. Э. БалкӀан квахьайла. - Ада зун гьи патахь тухузвай? Ф. Б. Сувасатар. 2) талукьвилин гаф. Гьи хуьруьз кӀандатӀани вач - суткадин гьи вахтунда хъайитӀани эрекь маса гузвай кӀвалер жагъида. Р. Меликова. Садбур - дуьадал, масадбур -межлисдик. Вуна вуч чара ийида, гьи патахъай алцумайтӀани, жув батӀул яз акъатзава. М. С. Буьркьуьди. 3) лап гьа. -Гьихьтинди я? - Партизан, Гьи зун хьтин игит я... А. С. Ленинан рикӀ.
* гьи гьалатда нугь., нар. исятда. Куьне са тӀимил чайдиз гьереката. Гьи гьалатда чаз ханумди хуьрекар гъида. Ж. Эфендиев. Азадвилин рекье. Синоним: исятда.
* гьи кӀвачелай къарагъна ? урус \[с какой ноги встал?\] ' вак хъел вучиз ква?' манадин ибара. Я руш, къе вун гьи кӀвачелай къарагънава? Ви сивяй акъатзавай гафар гьич заз хуш жезвач. Ваз ви итим гьакьван дакӀан ятӀа, чаз чибур кӀанзавайди я, чан вах. Чибуруз къаргъишмир. Н. И. Гьакимрин папар.