сущ.; -уни, -уна; -ар, -ари, -ара гъилин кӀватӀнавай тупӀарин къене пад. Шалам чилел эцигна, капан юкьвалди ягъиз раб сухиз, тӀеквен акъудиз, ахпа сивяй чӀугур кӀвенкӀ алай еб тваз ада пине шаламдик кукӀурзавай. 3. Э. Муькъвел гелер.
* кап аладарун гл ни нелай, квелай нин, куьн ятӀани винел паталай гъилин кап тухун, элкъуьрун. чурудилай яшлу итимди хьиз кап эляна... Гь. М. Жегьил чубан.
* кап гун гл., ни квез кьве гъилин кап сад-садал элкъуьруналди куьлуь авун. Ада гьа куруниз цӀурурнавай чими чӀем ичӀардай, чӀемедик кап ганвай баят фу какадардай. 3. Р. Зи уьмуьрдин шикилар. Синоним: капалай авун 1).
* капалай авун гл. ни вуч 1) са вуч ятӀани кьве гъилин канун арада туна шуьткьуьрун. Бергер капалай тавунамаз нез жедач. Р. 2) лап дикъетдивди са квехъ ятӀани къекъуьн. - Кьве хеб квахьнава, вири дагълар капалай авуна, амма ягъияр гел амачиз квахьнава, чидач вучдатӀани. 3. Гь. Лезгийрин риваят.
* капар ягъун гл., ни низ разивилин ва шадвилин лишан яз, кьве гъилин капар сад-садав агудна ван акъудун. «За тирш авурла, куьне вирида капар ягъа, икӀ хьайила, чи вахт тӀимил фида. Ф. Пуд фекьи. Ягъайла капар залда вирида, Гзаф хуш хьанай чӀехидаз и кар. Ж. Буйругъна пака. Сергей Сергеевичан теклифдалди, за шампанское ахъайна. КӀумп къава акьуна, вирида шаддиз гъарайна, капар яна. А. М. Мурк ракъини цӀурурда.
* капун юкьвал алайди хьиз нар. лап мукьув гвайди хьиз.. КӀантӀа тама, кӀантӀа нацӀира чуьнуьх хьайи касдиз и рекьяй фидай-хкведай инсан капун юкьвал алайди хьиз аквада. Къ. Къ. КӀири Буба.