кӀус 1) алава яз, тӀвар кьунвай кардилай, затӀунилай алава яз. Лагьай чӀалавай атӀанвай, гьа вичин ламатӀ крар тамамарзавай кас хьайитӀа, хуьруьн агъсакъалрин, кавхадин эмирдалди ам хуьряйни кваз акъуддай. Р. Меликова. Садбур - дуьадал, садбур - межлисдик 2) масдардалди лагьанвай гьерекат кьилиз акъатзамаз, куьтягьнамаз. ГьакӀани зи рикӀелай дидедин Кеф-гьал хабар кьун алатна, - жузуна ЦӀаруди тӀуьник кваз, - адаз кпулри тади гузмани, гьикӀ я? Б. Гь. Заз эвера.
* кваз кьун ни вуж-вуч фикир гун.... кваз кьамир на ван хьуналди япариз... Ф. Н. Вун датӀана... Кьилди пипӀиш тӀуьна ксус, йикь. Квазни кьамир, сятинин тикь-тикь. И. Гь. ПипӀишдин ван. КӀантӀа кваз яхъ на и гафар, Я кваз кьамир, кӀан ятӀа ваз. И. Гь. ЧӀалахъ жемир. Эгер районда кваз такьуртӀа, атанвайди Махачкаладиз физ гьазур хьанвай. И. Тагьиров. КӀуфухъ галукьайди. Шура гьукуматдихъ галаз гьуьжет тахьайла, чалай кьисас къачузва. Рахурай, кваз кьамир. Гь. Къ. Четин бахт. Я кваз кьазмач бубаяр кьил рехи тир... И. Рамазанов. Хъвадачни.
* кваз такьун гл., ни вуж саймиш тавун, масадакай фикир тавун. Са йикъара гъич садазни магьледа Кваз такьазвай дишегьли икӀ авагъда Лагьана ни гиман гъидай кар жедай? И. Гь. Муьгьуьббатдин баллада. Кинофипьмдиз тамашзавай жемят гъич квазни такьуна, абуру сифте мезели, ахпа туршимезе, гуьгъуьнилай шит-шит ихтилатрал илигна. К, 1985, 24. VӀӀ.