араб, сущ.; -ини, -ина; -ер, -ери, -ера бедендиз регьят жедай, рикӀик гьевес киткидай гьал, гьисс. Гъич чи тама тач шуьмегъ тӀвал. Лап кеф къунбар чка я. С. С. Девлетлуяр, абурун аялар, абур квай кеф вилерик атайла, мадни гзаф перишанвал акатдай... А. Ф. Риза. - Сад лагьайди, кар алачиз масадин кефиник кягьиз жедач. М. Ш. Дуьз гаф туш. Ихьтин кеф гьамиша гьатдач: ксузни жезва, ширин ахварарни аквазва... 3. Гь. Балугъдикай ахвар. Кьуьлеривай, кеферивай тух хьана кьейитӀани къайгъу авач, - лугьузвай гадайри А. Къ. Чеченрин межлис.
* кеф гун рах., гл., ни-куь; кеф авай гьалдиз атун, гъун. Мифтягьазни машиндин еке худди кеф гудай. А. А. Пад хьайи рагъ. Суфрадихъ галай бязи гадайриз шкьакь Пирималайни фейи хуьруьнви хуш жедачиртӀани, бязибуруз адан амалри, гафари кеф гудай, абур хъуьрена чӀагидай. Н. И. Сирлу межлис.
* кеф-гьал сущ.; сагъламвал. ГьакӀани зи рикӀелай дидедин Кеф-гьал хабар кьун алатна,~жузуна ЦӀаруди тӀуьник кваз, адаз кпулри тади гузмани, ГьикӀ я? Б. Гь. Заз эвера.
* кеф уьчуьн туьрк, нар. кеф паталди. Акур инсанриз абур гьакӀ кеф уьчуьн сиягьатдиз экъечӀнавайбур хьиз жезвай... Къ. Къ. КӀири Буба.
* кеф (кефер) чӀугун \[хкудун\] рах., гл., ни; кеф жедай гьалдиз гъун. Йикъарикай са юкъуз Къазимегьамедан кӀвале ацукьна абуру нез-хъваз кеф чӀугвада кьван. Къ. Къ. КӀири Буба. Кефер чӀугвазва. И кеферикай Амма зи чандиз авач кӀус хийир... Ш. Т. Гъурбатдай кагъаз. Зун, динжвал ийида, кеф чӀугвада лагьана, хтанвайди туш. КӀвалах да лагьана хтанвайди я. ЛГ, 1999, 1. ӀV. Вири рикӀелай алатда; чӀугур кеферни, кьакьан тавханаярни... А. А.. За незва, хъвазва... Кефер чӀугвазва. И кеферикай Амма зи чандиз авач кӀус хийир... Ш. Т. Гъурбатдай кагъаз.
* кефина \[аваз\] хьун рах., гл., вуж хъсанз \[аваз\] хьун. Абур вири тӀуьна-хъвана кефина ава. И. Агь. Агьмедан ич.
* кеф-кефият сущ. кефер авай гьал, гьакъикъат. Алискер фура туртӀа, садазни чир жедач, пачагъдин хазинани заз жеда, зунни уьмуьрлух кефкефиятда дуланмиш жеда. Ф. Вафалу паб.