гл.; -ада, -уна; -аз, -азва; -ур, -ан, -урай, -амир; кутун тавун, кутун тахвун, кутун хъийимир. 1) ни вуч квек вуч ятӀани нин-куьн ятӀани кӀаник эцигун. Столдин кикек кьул кутуна. Р. Гьа кӀ чна гзаф кьекъуьнар авуна, амма бамишна шимедик кутунвай са ирид цӀегьрелай гъейри чаз са шейни жагъанач. Гь. М. Жегьил чубан. Я зарб гьалтзавай машиндик кутада, я ичкидиз зегьер вегьена, агъуламишда... А. А. Пад хьайи рагъ. 2) са вуч ятӀани куь ятӀани алчударна кьунвай гьалдиз гъун. Итимри ракь акьалжна, гумар акъатзавай чарх цик кутуна. Гь. Гь. Сифте сефер арабайрихъ галаз Алдатмишиз кхьиз питик, Кутур лугьуз ам михьи цик, Ширин гафар хьунал мецик, Ахътиндахъ гьунар жедай туш. С. С. КӀаму садра селна лугьуз. Са гужуналди къарагъай суса чкӀанвай чӀарар шуткьудик кутун хъувуна... А. И. Самур. За, пенжек алудна, адак ЧӀарав кутуна... А. Къ. ЧӀарав. Айвандик хкана, бадеди зурзазвай ЧӀарав хъицикьрик кутунай. А. Къ. ЧӀарав. 3) куьч. са нин-куьн ятӀани терефдар авун. Мусани чпин кӀеретӀдик кутуна. Р. 4) гьайванриз тӀуьн патал са вуч ятӀани гун. Алафар кутуна чпин малариз. А. Ф. КьайкьатӀ авур зунжурар. 5) майишатдин хилер арадиз гъун. Ада хипер кутуна, вичин кьил хуьз хьана. Ф. Лукьманал Гьаким. 1966 - йисан гатфарихъ хьайи залзаладин нетижада хуьр маса чкадал кутаз кӀан хьана. ЛГ, 1994, 16. ӀX. Гила и совхоздин 2- отделенида пуд гектардив агакьна чкада кутунвай чӀуру жумун жалгъайриз чуьхверин цӀийи сортарин тӀур ганва. Б. Гь. Цавун михекар. Багъларни кутазва чна паруйра. И. Ш. Кьудар. Чахъ авай дарвилериз, четинвилериз килиг тавуна, цӀийи кьве школа ахъайна кардик кутунва. ЛГ, 1999, 1. ӀV. Меликов Алиметан кӀвал кутун тӀалабна. Яран стхадихъ галаз рахана. К, 1988, 2. XӀӀ. Емиш кӀанида - акӀурда къелем, Майва кӀанида - кутада бустан. Ш. Т. Мугьманар туш чун и дуьньяда. 6) са вуж ятӀани гьихьтин ятӀани гьиссерив кьаз тун. Сулейманак кутаз багъна, Къвез физавай замана... С. С. Шумудакай зун квез рахан. - Акъваз, я муаллим, акъваз. ИкӀ садлагъана вуна зак тахсирар кутамир. Гь. Къ. Четин бахт. Дидедин гафари Зуьгърени дерин хиялрик кутунвай... Гь. М. Зуьгьредин муьгьуьббат. Экв ахъа тахьанмаз гъуьрчез экъечӀнавай чинеругди кул-кусда секин хьанвай нуькӀверик къал кутунвай. Гь. М. Чи бахт чи гъиле ава. Гададик и карди тежедай къван шадвал кутазва. А. Къ. ЧӀарав. 7) кӀвалах ийидай гьалдиз гъун. Ада приѐмник кутуна, Москвадай гузвай хабаррихъ яб акализ башламишна. К, 1988, 2. XӀӀ. Телевизор кутурла, экв куькӀуьннач. К, 1989, 19. VӀӀ. Чара авач, суса хъар кутурай... ЛГ, 1992, 31. ӀӀӀ. 8) акӀурун, са кьил сана, муькуь кьил са кве ятӀани акӀурна эцигун. Айвандикай къавал фидай зумулни аваз, аник кутунвай гурарай йифен мугьман къавал фена. А. А. Ирид цаварик Самурдин ван. Зуьгъредини пелек гъил кутуна ктаб кӀел хъувун давамарна. Гь. М. Зуьгьредин муьгьуьббат. - Заз кичӀеда: чна тарцик кутадай гурар гьазурдалди, аквада хьи ваз, ич рехъди физвай сада кӀириналди яна тухвана. Гь. М. Зуьгьредин муьгьуьббат. - Сабагь хийир, Мерзият вах! - лагъана ам лапаткадин тум хурукай кутуна, сивик хъвер кваз никӀевай рушарихъ элкъвена. Гь. М. Чи бахт чи гъиле ава. 9) нин-куьн ятӀани къурулушдик вуч ятӀани жедайвал авун Пара кутурла калин чӀем, Жафа кар я хьун стӀалжем, Мецер тахьуй лал, фекьияр. С. С. Фекьийриз. * вил кутун, жинерар кутун, какаяр кутун, кьил кутун, лишан кутун, пай кутун, умуд кутун, хев кутун, хурук кутун, хъел кутун, хьар кутун, цик кутун.* кутурфу нугъ. къатайфу.