гл., вуж; -ида, -ана; -из, -изва; -ук, -ин, -урай, -урмир; къаткун тавун, къаткун тахвун, къаткин хъийимир 1) са къвалахъ ва я чин цавална (кӀаникна) яргъи хьун. - Къари диде кьасухдай азарлу хьана къаткурай, лагьана къазиди. Ф. Ирид юкӀ алай Магьамад пагьливан. Ам къаткай чкадални секин тушир... А. Ф. Бубадин веси. АскӀан кӀвалерин кьибле патахъ элкъвенвай лацу айвандал гъили расай яцӀу хъархъу кьуларин чарпайдал кьуьзуь Дадаш азарлу яз кьатканвай. А. Ф. Бубадин веси. КӀвале амукьзавай аялрихъ гелкъведай кас авач лугьуз диде больницада къатканач. К, 1985, 7. VӀӀӀ. Зун балкӀан арабадин къекъинал кутӀунна, арабада къаткида. Гь. С. КӀири Буба. 2) ксун. Инсанар, малар хьиз, сад садал гьалтна къаткидай. Йиф атайла, казармада «чархчарах» къачуна чухунин ван гьатдай. А. Ф. Бубадин веси. Къе ихтилатар бесрай, Рамиз. Пака лугьуда. Ша, дивандал кьведни санал къаткида, - теклифна за. Зун яргъандик акахьна. Т. А. Мехъер куьтягь тахьанмаз. 3) куьч. ял ягъун. 4) начагъ хьун, мисик кваз хьун.