сущ.; -ди, -да; -ар, -ри, -ра дуьз 1) физвай рехъ эрчӀи патахъ ва я чапла патахъ дегиш жезвай чка. Са сеферда, цӀийи шоферди худ гъалзаваз къекъуьндилай алчуд хьайи машин къиндилбиндил хьана. 3. Э. Зулун пеш. Машин гуьтӀуь къекъуьндал, Спелри тӀалабайвал, кирсеба, вири рехъ кӀевна, акъвазна. М. Б. Спелар.... таниш тушир дагъдин къекъуьнра гъалтай такабурлу суван кьунар, инлай-анлай къурху кваз къарагъай сваларин уьфтер, кьуд патаз атир хъченвай цуькверин хунчаяр рикӀелай алатай хьиз тир... Т. А. Мехъер куьтягь тахьанмаз. Хуьр таквадай къекъуьндик акатайла, адет яз, чеб чпел ашукь тир рушни гада къуьнкъуьневаз рахаз-рахаз булахдал фидай ва элкъвена хуьр аквадай чкадал кьван санал хкведай. С. Муслимов. ЦицӀигъ-наме. 2) рапунихъ гьал акалдай тӀеквен.