гл., вуж ; -веда, -вена; -вез, -везва; -уьгъ, -вен, -уьрай, -вемир; къекъуьн тавун, къекъуьн тахвун, къекъвен хъийимир 1) фин (тайин са чкада, виликкьулухъ финин гьерекатар авун, камар ягъун ). Хур экъисна къекъведа вун... Е. Э. КӀан я. Къекъведа вун дамахар гваз... Ё. Э. Вун хвашгелди, сафагелди. Хайи халкьдин гьарайдиз гьай лагьай генерал, Къекъуьн регьят тирни, гъетер алаз къуьнерал? А. Къ. Хайи халкьдин... Къекъвезва зун гар галукьиз япунчидин ценерихъ... Къ. Р. Чинарар. - Инсан гьакӀ метлебсуз куьчейра къекъведач, гьар са къекъуьнихъ вичин мурад авайвал, вакъиадихъни вичин мурад ава. Н. М. Сегьнедин билбил. 2) са вуж, вуч ятӀани жагъуриз алахъун. Папан рекье къекъвез хьана ирид йис. Е. Э. Герек туш. Ви веледни ви шийирда къекъведи. Е. Э. Бахтсузвал. Анкетада авай делилрай аквазвайвал, ам апрелдилай сентябрдал кьван, кьве кӀвачяй акъатна, кӀвалахдихъ къекъвез хьана. А. А. Нажмудин Самурский. Ахпа заз гьа кьацӀалай са гъвечӀи, элкъвей цӀиб акуна. Адан кӀане чӀем авай. Зи тадивиляй тӀурунихъ къекъуьн хъхьанач. За цӀипӀиниз гъил сухна. 3. Э. Зулун пеш. Багьнадихъ къекъвена, кӀвалерай катиз, Гьазур тир чӀафара сувара гъатиз, Пси хьиз тарарин хилерай кватиз, Мукарай чукурдай нуькӀер, каруяр. С. К. Яран сувариз. Зи хуьруьнви къуьлуьхъ гудай Кал емишрихъ къекъведай. Азарлудан вил атӀудай ЧӀуру хват гваз хкведай. Къ. Р. Самур, къе ви дереда.
* гуьгъуьна къекъуьн. къекъведай кӀваче цаз акьахда мисал 'кӀан хьайи шей жагъун патал, кьиле авай мурад кьилиз акъудун патал зегьмет чӀугуна кӀанда' манадин мисал. Къекъведай кӀваче цаз акьада лагьайвал, Мифтягь гзаф идарайрани тешкилатра къекъвена, вичин къастар кьилиз акъудна. А. А. Пад хьайи рагъ. - Къекъвей кӀвачиз цаз акьахда лагьай мисал авайди я, - къвез-къвез кьетӀивал акатна Вадимак, - ша кван садра! ЯтӀаб кӀаник, я тӀиб кӀаник - эхирки сад жеда ана. Я. Ш. Гьахъ квахьдач.