туьрк, сущ.; -ди, -да; -яр, -йри, -йра 1) виликдай гьужумдиз къвезвай душмандикай хабар гун патал ва ам энгел авун патал эцигдай гьяркьуь кьакьан парудалди кӀевнавай махсус чка. Эвел фасикь яхулари ЧӀурна къеле, еке пару. Е. Э. Наиб Гьасаназ. Вун акурла, зи гуьгьуьл, рагъ алай югъ хьиз, ачух жеда. Зи къуватлувал акьван артух жеда хьи, зун къелеяр къачуз кӀвачин жеда. 3. Э. Арифдиз ишара. 2) куьч. мягькемдиз кӀевнавай чка, дарамат. Къапу, бажа буьтуьн михьиз айна я, Хварасан чешне я, Хайбар къеле я... Е. Э. Алкьвадар Гьасан эфендидин цӀийи кӀвалериз. - Чна тек са девлетлуйрин малар ваъ, гьатта фена пачагъдин къеледай кьизиларни чуьнуьхда, - лагъана халуди. Ф. Халунихтул.