|| КЬАКЬАН1 прил. цавун терефдихъ адетдилай артухан яргъи. # ~ буй, ~ дагъ, ~ жегьил, ~ итим, ~ руш, ~ тепе, ~ син. Кьакьан пелел къайи Кап эхцигиз таххьай... Кьариб вай! Ф. Гъурбатда кьейидаз. Акьахна са кьакьан тарциз Бегьер гудай ичин, билбил. С. С. Билбил. Зи суьгьбет эхиримжидакай я. Кьакьан буйдин, дагъ хьтин лезги тир. М. М. Чаз къагьриманар кӀанда. И чӀавуз адаз кьакьан хилерикай садал, зулалай тарал аламукьна, къаю тухванвай. гила рагъ акьуна, дакӀуна, яд кӀвахьзавай са чӀахма акуна. Ф. Б. Ях лезгидин мах. Силибир яйлахдин кьакьа синел туьш хьанвай варз, шегьердиз килигунивай вил ацӀун тийизвай рехъди физвай мугьман хьиз, Шагьдагъдин кьулухъ хъфена. Я. Ш. Дидедин рикӀ.... Рахаз-рахаз ам кьакьан кӀвалерин далдадик акатна. Т. А. Мехъер куьтягь тахьанмаз.
* кьакьан бегьер урус \[высокий урожай\], сущ. кьадардиз ва еридиз хъсан бегьер. Арандин чилерал а вахтара магьсулрин лап кьакьан бегьерар битмишарзавай. М. Ж. "... Фу гайиди я гьамиша". Сир туш хьи, тарахъ-чилихь рикӀ гваз гелкъвейла, абуру гьакӀ кьакьан бегьерни гуда. ЛГ, 1992, 27. ӀV.
* кьакьан хьун гл., вуж-вуч кьакьан гьалдиз атун. Бязи чкайрилай кьакьан хьана хкаж хьанвай дагъдин тепейри ва шим квай чархари, вацран экуьнин вилик пад кьуна, дуьзен тӀулариз серинхьен гузвай. А. Ф. Лянет. Антоним: аскӀан хьун.