сущ.; -ди, -да; -ар, -ри, -ра. 1) чиливай цавун тереф, кьакьан чка, вине авай чка. Зун ви муква нуькӀверин сад, На чирна заз кьакьанрин дад. Ви къужахдиз хкведа мад, Атайла зи вяде, КцӀир. С. К. КцӀар. Кетин дагъ, Яру дагъ, такабурлу Шалбуздин, Шагь дагъдин кукӀушар акурла, ви рикӀ, руьгь къудгада - гьанрал лув гуз, гьа кьакьандай дуьньядиз вил вегьез кӀан жеда. Ш. Шихмурадов. Шагь ва Шалбуз дагъларин ценерив. 2) куьч. вини дережа. Ахцегьви лежбер Пирметан хва Нурмегьамед тарихъидин кеспидин рекьел гьикӀ акъатна? Адаз лап кьакьандиз хкаж: жедай... такьат ни ганай. К., 1991, 19. Ӏ. Азадвилин пайдах мадни Лап кьакьанра ахкӀурна. Гь. Ярг. Генералдиз салам. Синоним: гьуьндуьр.