сущ.; -а, -а; -ар, -ари, -ара кӀвалин къене цлан патав затӀ-матӀ эцигун патал тахта вегьена туькӀуьрнавай чка. Къаридин кьацӀал алай къужгъурда какаяр авай. 3. Э. Зулун пеш. Шекер жеда кьацӀал къажгъурда, Кьифре тӀуьна тӀеквер акваз гьар пата. X. Къ. Чай. Чирагъ мукъаятдиз къулан кьилел алай къацӀал эцигна. Гь. Къ. Гьай тахьай гьарай.
* кьацӀал эцигун гл., вуж еке гьуьрметар ийиз хуьн. - Гъуьлуьз фейила, вун кьацӀал эцигдайди хьиз хьанайни ваз, - лагьана ада, чин чӀурна туьнт сесиналди. 3. Э. Муьгьуьббатдин цӀелхем. Ваз мадни чир хьухь хьи, гъуьлуь паб кьацӀал эцигдайди эвленмиш хьайи анжах сифте варз я. Ахпа папа гъуьл кьацӀал кьун герек я. Им рикӀел хуьх, чан севдуьгуьм, азиз севдуьгуьм. 3. Э. Арифдиз ишара.