прил. 1) тӀимилдаказ, гьарнал сад алай. Фекьи малла МегьамедЭфендиди, вичин вилик квай ширин чай авай стаканда тӀур экъуьриз ва гьарданбир гьарнал са чӀар алай кьери, яргъи, цӀегьре чуру хьтин чурудилай гъил чӀугваз, Дадашахъ галаз ихтилатарзавай. А. Ф. Бубадин веси. Цавун бязи чкайрилай хитресди янавай хипен къвал хьиз лакӀлакӀ хьанвай кьери ва лацу булутар аквадай. А. Ф. Лянет. 2) дерин тушир. Дагъларин вацӀар кьерибур, амма зарббур жеда. Р. 3) куьч. тӀимил. Гафар гзаф, - акьул - кьери. С. С. Гьахъсуз атай бала. Антоним: къалин.
* кьери авун гл., ни вуч кьери лишан хас тир гьалдиз гъун. Помидоррин жергеяр кьери авуна. Р. Антоним: къалин авун.
* кьери хуьрек сущ. жими хуьрек. Гузвай кьери хуьрекни, борщ тӀвар алаз, ичӀи келемдин кӀусар квайди, я тахьайтӀа кьурай ичин патарикай гьазурнавай компот хьтинди тир. А. Ляметов. Зи пешедиз рехъ ачухай устад.
* кьери хьун гл., вуч кьери лишан хас тир гьалдиз атун. Душманрин араяр къвердавай кьери жезвай. 3. Гь. Лезгийрин риваят. Кьурагь вацӀа гзаф яд жедач. Итаки хъуьтӀуьз ам лап кьери жеда. Къ. Къ. КӀири Буба. Там кьери хьунинни хуьрера мебелдин цехар гзаф хьунин арада алакъа авани? ЛГ, 2002, 22. VӀӀӀ. Антоним: къалин хьун.
* кьери яд сущ. бедендикай хкатдай яд, цвар. Кесибдиз кьери ци тади гузвай, къвезвай затӀ авачиртӀани, герен-герен кӀвачин рекье авай. А. Эсетов. Кьел тӀуьрда ядни хъвада. Синоним: чухь.